唔知點解呢排中大咁黑仔, 新民主女神像單野都未擺平, 又爆出收埋個孫中山銅像係貨倉幾個月,真係失威...

現任校長俾人鬧餐死, 仲將個波拋俾下任校長, 梗係啦, 佢做埋呢個月就走人, 同新老婆印印腳嘆世界, 不知幾爽, 晨早已經請左個常務副校長番黎打骰, 乜都唔駛做好耐啦!

其實d學生又有d過份o既, 未經許可或商討,就漏夜搬入黎中大, 先斬後奏,當然有人支持亦有人反對啦! 之不過中大o既反應又唔需要咁激, 人地港大支國殤之柱都擺左十年啦! 呢個新民主女神像同天安門屠殺浮雕咪好好地搵個地方擺好佢任人睇, 大方d怕乜喎?

趁住佢地未俾人趕走,我拿拿淋幫佢地影番張相先

新女神"高大有型"

想當年八九六四真係好震撼世界, 我都留起左好多剪報, 仲買左一只小民主女神像tim ~~

舊女神"嬌小玲瓏"

呢份係中大學生報响八九年六月出o既號外~~

仲有10 周年同17周年紀念刊物~~

原來時間過得超快, 已經係21年前o既事,果陣唔單只未有Cally呢個人仔, 連包租公係乜誰都唔知啊!

90後o既Cally, 帥軒, 肥仔畯... 俾你地見識o下啦~~