大家都知我鍾意種花，唔好話我讚自己，成績真係唔差o架！

上次俾大家睇過d大岩桐花球，今次俾 d新o野你地睇：

呢棵樹好似棵聖誕樹，吊晒d聖誕鐘係度，望落去真係好靚o架！

(張相係上星期影o既, 而家仲多聖誕鐘呀!)

佢個名叫做角桐草，又名花貓 (個名有d九唔搭八?)

我由佢一吋高小苗仔兼冇根種左成兩個月以上先有今日咁o既樣咋！ 

另外呢棵發財樹都係由細細棵種起，

 (用$10買佢番黎果陣, 得最矮果幾塊葉咋!)

(又係上星期影o既, 而家已經多左三塊葉以上, 仲一塊葉比一塊葉高!)

家陣已經半個窗台高，我換左個大盆俾佢，佢仲大得快左=_="，遲 d可能要擺落地下，再遲 d頂天花o既話， 都唔知點算=_="""，唔通又係要佢 "移民" 去所長屋企住？

唔.... 佢"發"成咁，係咪暗示我都即將"發財"...係就發達攞!!! 哈哈哈!!!

我個名讀 "咩" d 叫 "種樹難"，我要平反，種樹 ....... 一 d都唔難！