哈哈... 所長叫MM問我佢嫲嫲d野喎，仲話我有好多口頭嬋都係跟佢嫲嫲學返黎，真係"咬"晒頭啦!有咩???

我諗最經典咪 "不求引" law ... 乜野黎?

我講左N年"不求引"， 直至某日我見到正確名稱原來係 "不求人"，真係嚇左一跳，仲笑大人個口 tim...原來我滿口鄉下話 ...

MM嫲嫲真係好勁架，千祈唔好睇少佢！所長話佢唔識字，淨係識講唔識寫，不過當年佢有病之後，要學寫數目字， 因為佢每日要自己磅重同量體溫，寫落張表度俾醫生睇，佢好俾心機學寫字，d 字仲越寫越靚 tim!

佢計數同cho錢真係好叻架，想當年董事長d麻雀癮好深，日日收檔後就去開檯，夠鐘食飯都唔見人，MM嫲嫲就會叫我打電話摧佢番黎，有時仲親自打，係電話度鬧到拆天， 哈哈！好彩呢樣野淨係遺傳左俾二姑媽咋....

女人睇數點都好過男人o既，就係咁養大左我地6條化骨龍，至於我地鍾家成員學到幾多成就各有不同，不過就學晒董事長d打麻雀真功夫，個個都有番咁上下功力！嘻嘻！