尋日所長一見面就話我知阿 "邊個邊個”話我種果棵唔係發財樹，懷疑我種大麻樹 (5塊瓣喎)，唔係呀馬，我邊有咁大膽種呢d野，分分鐘俾人拉o架！
嚇得我返到屋企 "咋咋淋”數下d葉有幾多塊瓣先… 好在，細個d係5塊，大個d係6塊，咁先冇咁驚！
 (今日影的肉照)
o拿！阿 "邊個邊個"，唔該睇清楚d啦，我呢棵唔係大麻樹，係發財樹黎o架！
仲有，原來發財樹會開花o架，我真係未見過，咁啱今日係人地個blog 見到。貼出黎俾大家睇下啦！
照片來源: http://hk.myblog.yahoo.com/jw!hKR5U1maBQRVD2P35.BdiaBY/article?mid=4582
網主說佢棵發財樹移植落地種左5年至開花, 仲係幾個鐘頭就謝左，唔知我果棵 ... 品種好似有d唔同，而且室內用盆種 ... 究竟要種幾多年至開花呢？
|
