前日二姑媽話我連自己個女都唔認得，叫我快d佩過副眼鏡，好！一於聽佢話，今日即刻行動！

原來都幾年冇換眼鏡, 唔知度數有冇加深左呢?

款式太多啦，睇到眼都花... 未佩已經加深左.....d 老花！哈哈，終於揀到啦！ 好似幾好睇... 下次聚會時，大家一齊睇吓我個新look ok 唔 ok？

既然過左海，一於去檀島歎番杯茶先!

上次黎到我因為女人病發，睇見都食唔落，今次終於可以享受到啦!

沿途見到泰昌餅家，順便買兩個蛋撻，睇吓係咪好似肥彭講得咁好食先!

唔... 泰昌d蛋撻唔係好甜，唔錯！  

檀島杯茶同傳統o既奶醬多都OK，不過d伙記就 "寸" d啫!