嘩！香港地震呀！震央係后海灣，好近我屋企播！

天文台公佈今日2:42 pm 錄到輕微地震，震央係深圳后海灣，即香港天文台之西北約 30公里，震級為黎克特制 2.8 級。乜香港唔係冇地震o既咩?

當時我係公司用緊電腦打緊字，突然聽到 "隆" 一聲，跟住感到keyboard 震動，當時我心諗乜野大車經過出面咁震動呀? 轉頭睇即時新聞見到地震呢個消息... 心裡都有d驚...我有個同事都話feel到地震...

即刻打電話俾包租公啦，佢話係屋企聽到 "隆" 一聲，跟住覺得有d搖晃，書房個風鈴隨即噹噹聲響， 真係聽到都覺得好得人驚... 但佢又好淡定喎，完全唔驚咁，唔...淡定有$剩，我要向佢學習學習...

E... Cally 係學校應該都會feel 到，唔知佢地學校即時反應係點呢? 日後駛唔駛好似MM係日本咁有地震演習呢?