鍾氏家族好耐冇一齊去旅行啦~~

全靠所長o既安排，我地可以參加一個名為「聖誕美食豪華純玩團」三日遊∼∼

Ｅ＋等我率先重溫一下我地呢三日o既行程，回味一下ｄ美食先

12月25日 (星期六)

今日係第一日，天未光就起身，好在係天水圍西鐵站集合，等其他團友Ｄ車由九龍入黎後再轉車去深圳灣口岸過關後再轉車去廣州∼∼排完隊過關再塞埋車去到廣州已經係晏晝了∼∼

廣州凍過香港好多，兼且落緊毛毛雨，真係饑寒交迫，好在食左個麥記早餐先出發啫，因為第一餐食o既「極品鴨咀魚為食宴」，即係以前食過o既冇米粥打邊爐，我覺得麻麻地，個爐火又慢，食得唔過癮，我連相都冇影到！淨係影左間舖同呢幅一團和氣o既畫：

跟住就去第一個行程：市立第一公園又稱中央公園（人民公園？），主要係睇投資左350萬人仔起o既羊城新地標「廣州原點」，SEWN齊晒，成個指南針咁∼

反而園內有好多九唔搭八o既雕像，例如：

魯迅像∼

新娘像∼

猛士∼

椰林少女∼

黃河英魂－冼星海∼

烽火年代∼（嘩！兒童不宜>.<)

果度仲有一班人係音樂亭度唱歌，不過唔知佢地唱乜？與眾同樂嘛！

真怪啦.... 廣州市人民政府都係埋呢度！

返酒店途經廣州新城市地標「新電視塔」，即係小蠻腰，真係手快就影到，手慢就睇唔到！>_<

D高樓大廈多的是，差Ｄ以為去左中環添！沿途有好多新街燈，導遊話每支要４萬蚊，為了亞運，冇計啦！

Dun 下dun下， 瞓下醒下，終於去到廣州鳳凰城碧桂園酒店啦∼

果然係五星級，房間又大，設施都好正∼

晚餐係「浪漫飄雪聖誕火雞海鮮自助餐」，一去到就見到餐廳好大，ｄ壁畫好靚，好有氣派~

食物種類都好多，不過真係好多人，雖然唔駛「搶」，不過ｄ野食好快就沽清，最鍾意係原隻生果，又新鮮又多，好多人都順手拎走幾隻添∼至於歌舞節目就普普通通，抽獎又唔中。。。點都好啦，聖誕節一家人高高興興一齊渡過，充滿了歡樂氣氛嘛！

食飽飽後當然仲有特備節目啦∼∼阿邊個邊個帶左迷你麻雀同紙麻雀黎，仲有啤牌，成棚人係度大有大玩，細有細玩，哈哈。。。突然覺得好似返左樟木頭添!

。。。待續