12月26日 (星期日)

一早起身又係食自助早餐，嘩！一樣係人山人海，好在董事長同二姑媽一早霸左張大圓檯先有位坐，至於食物方面都係一般而已。。。

走之前行出餐廳外面見到如此美景，真係凍到心曠神怡，不過lobby就細左d啦 :(

一出發，第一站係去「小樓人家」食午飯，吓﹏早餐都未落格，又食啦。。。

呢度除左食，仲可以幫襯買魚、瓜、同菜~

你見到呢幾個雕像係乜野黎嗎 (薯仔、蕃薯、遲菜心、茄子)

呢ｄ大大棵o既遲菜心好出名o架∼

「増城秘制窰雞碌鵝宴」，好唔好食，見人見智啦∼我覺得有ｄ好食，有ｄ麻麻地∼

 秘制土窰燒雞∼                                            秘制客家碌鵝∼

招牌缽仔豆豉肉~                                           家鄉煎釀派潭豆腐~

冬瓜煮甜皮∼                                                  蒜蓉時蔬~

清蒸河邊魚∼                                                 椰汁香芋南瓜煲~                                     

紫蘇蒸魚仔∼

食飽飽後行去對面o既報德祠，乜咁似屏山o既鄧氏宗祠o既？

呢座係景星樓，唔通係天水圍聚星樓o既孖生姊妹？

可能ｄ團友係香港冇得燒炮仗，一於係呢度燒番夠本。。。

玩完一輪又上車出發去東西老鏡古街，原來係一個市集，搞左個「增城菜心美食節」，唔怪得咁多遲菜心賣啦∼

我地終於係呢度可以駛錢，買左ｄ苦瓜乾、梅菜乾同黃金菊，$5就有交易，Cally仲一嘗增城出名o既炒米粉添∼反而ｄ團友買到一袋二袋上車，真係咁抵咩？

又坐一輪長途車後去到從化逸泉大酒店，呢度ｄ房就細ｄ，不過有露台又池景又唔錯播！

仲有溫泉浸，不過只係開左幾個，而且ｄ池好細，但都諗住去浸，鬆一鬆都好︽︽

晚餐去從化溫泉食「從化五道菜」，都唔差，因為除左呢五道菜之外，仲有好多野食，食到個個舔舔咀添。。

正宗泥焗雞　　　　　　　　　　　　　香叶烏鬃鵝

桂峰釀豆腐　　　　　　　　　　　　水庫大魚頭

呂田炆大肉  　　　　　　　　　　　　 焗肉鬆茄子?

西蘭花炒肉片?                                             芋頭、蕃薯、蔘薯?

勝瓜炒土魷?

食完飯返黎後，阿邊個邊個去溫泉視察過話好多人呀，結果我地個個都打退堂鼓，寧願留係房內四方城大戰好過！