12月27日 (星期一）

有左尋日o既經驗，今朝大家都好早起身去食早餐，因為驚冇位坐嘛！不過餐廳係酒店北翼，我地住南翼，溫泉酒店d走廊係露天o既，加上咁凍 (~ 5-6度）行到去幾乎殭左，食完又要行返房，食乜都唔暖！

轉頭又上車出發去被評選為廣東最美麗鄉村第一名【溪頭村】探尋流溪河發源地，見證被譽為美女村、長壽村、水果村。。。都唔知係咪真o既?

坐左成個鐘車，過完一山又一個山，景色就真係好靚喇~~

又經過「流溪河國家森林公園」~ 水天一色!

見到火龍果田，不過冇果實o既~

仲有周圍種滿梅花，可惜天氣唔夠凍，好多梅花未開，見唔到滿山一遍白皚暟的狀況，見到又唔可以落車影，好在手快影到一張啫！yeah!

終於到左目的地喇！山頭野嶺都被開發成旅遊勝地，勁呀！

原來另一景點【龍角原生態四季花海】係埋呢度，行程表話種滿七彩野菊花、野生向日葵等花卉，形成一處以大山、清溪、翠竹相交錯的四季花的海洋。。。

可惜季節唔啱，天氣又凍，我地淨係見到這個「乾花海」。。ｄ花升晒天做神仙，真係仙境∼

好在個「萬山竹海」竹林仍然存在，ｄ竹仲好翠綠tim~

再向前行，終於見到「龍頭飛瀑」，搵到個溪河發源地啦！不過。。。原來係咁咋

呢度都有棵許願樹，聽聞想生仔就去摸下喎，都唔知靈唔靈？

轉頭向山上行入村，經過山寨，好彩冇山賊啫。。。

呢度有好多景點o架，不過睇你搵唔搵到啫？>.<

獅象相守∼（邊隻係獅？邊隻係象？）

行左十分鐘，我見到有梅花喎，即刻影低先，雖然只得細細朵，都好過冇得影o既！

上到「溪頭石巷」搵左一輪，終於搵到ｄ「長壽美女」喇，你地睇吓，邊個最靚呢？

拜拜溪頭村後，就去「在田小館」食【招牌泥焗雞鴛鴦巴馬香豬宴】：

乜野係巴馬香豬？呢ｄ咪係囉∼

有ｄ似黑白豬，唔通佢地係親戚？

白切泥焗雞∼                                                义燒拼豬頸肉∼

鴛鴦巴馬香豬拼盤∼                                                             香芋薑蔥蒸瘦身山塘魚∼

鹹骨煲淋蘿蔔∼                                                                              鴛鴦蒜茸蒸茄子∼

桂半豆腐∼                                                                                      農家一品菜∼

上湯農場時蔬∼                                 臘味炒菜 ~                                        

 呢一餐農家菜麻麻地喇，唔算最好食∼

食飽飽後就冇行程喇，仲要坐左幾粒鐘車先返到深西，因為塞車嘛∼∼

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

三日行程就此完結，千零蚊，包食包住包車，由深西-->廣州-->増城-->從化-->深西，我要求唔高，覺得好抵玩o架喇！