上星期六返元朗同董事長食團年飯 ，順便逛街買年花 ，因為元朗有一檔蝴蝶蘭平靚正 ，舊年我用$100買左2盆，足足開左半年花，真係好抵 ，你地可以睇番我2010年5 月6日篇日記，就可以見到d花喇！
 
不過佢地全部都已經 "退左役"  ，所以我今年要買過棵喇 =_="
我同二姑媽一齊去買，不過今年d花貴左喇 ，要$60一盆，而且得一昌花，反而有d細品種$40一盆都幾靚，所以我地一人買左一盆，一於等佢過年後大減價，到時至再買都唔遲 ...
呢盆就係喇！
瘀紅色品種我以前未種過，見佢似乎好 "後生"  ，希望可以一路翻種，年年開花喇！
我地又買左水仙花，因為大姑媽話今年天氣太凍，佢浸果d水仙頭趕唔切開花 ，哈哈... 我揀果棵原來有9昌花，你數吓係咪？我諗趕得切年初一開花掛？
萬一趕唔切唔緊要，我有棵聖誕樹嘛 (角桐草)！(請睇2010年7 月30日篇日記)
而家仲開緊花呀，仲開枝散葉，變成4棵聖誕樹添...
 
紅當當... 好有新年氣氛，仲長開長有，好意頭呀 ！哈哈~~~
|
