"一日一蘋果，醫生遠離我！" 呢句說話由細聽到大， 至於係咪真係咁有效就好難講喇！

不過每日食生果呢個係我o既習慣，仲係要食好多款， 所以我每個星期都會買大量唔同款o既生果，每晚都食4-5款 "雜果"，所以我o既腸胃好 "健暢" o架！哈哈.... 睇吓我呢個星期入左d乜野"貨"：

數吓先...1..2..3..4..5..樣

6..7.. 仲有第8樣 --> 橙，不過係雪櫃裡面！

木瓜，鴨梨同蘋果係上星期六返元朗順便買o既，點解要咁遠 "抬" 返屋企? 因為元朗市場競爭大，相對物價便宜嘛，果兩隻迷你木瓜仔天水圍賣$4隻，果3隻大木瓜係元朗買只需$11，真係大件夾抵食！

至於韓國士多啤梨同藍莓就係 "P" 超市買，因為本周特價，d士多啤梨好甜，只賣$25，好正！藍莓好難買到靚野...只賣$10.8， 今次好叻買左3盒，全部都又大粒又甜又爽又新鮮...

尋日見到大學間 "P" 超市d橙開箱... e... #3107喎... $10.4有4隻，又見到有$10.8靚藍莓賣，即刻入貨....再加3%折扣同雙倍積分，超抵啊...啊啊....

我係咪好 "師奶" ?.... 我認啊... 不過係精明果隻！