尋日同包租公食下午茶果陣，有個小妹妹同佢媽咪搭枱，當佢媽咪去買野食果陣，佢就郁黎郁去，整呢整路...

佢唔停咁講野，又同我地傾偈，我地問佢幾多歲，叫乜名，佢都一一咁答我地，鬼咁老積，之後又請我同包租公食糖添...

最搞鬼係佢突然唱左幾句 nobody, nobody....

我地當堂 "O" 晒咀... 即刻攞部機出黎影佢...

我仲同佢影左張相...

嘩...佢 "V" 字手勢不特止，仲笑到見牙唔見眼tim...

走之前佢仲送左飛吻俾我地，真係甜到漏呀...

佢令我諗起細細個o既MM ... 果陣佢都係咁 "咀朝朝" 同咁得人鍾意o架!