之前種o既大岩桐成日都係紅色同紫色，今次終於有新品種俾大家睇吓喇！

呢隻叫噴點岩桐，望真d...朵花入面有紅色點點，出面仲有大大點...

其實朵花開出黎應該係咁樣o架...    

成朵花都有點點，不過我呢盆花好艱難至種到，由蚊滋咁細棵種起，d葉好似指甲咁細開始種，種到佢開花，成三個月咁耐...

呢棵都係同事培植俾我種（左），我自己浸葉種出黎果棵（右）就中途死左喇！

咁辛苦先種到佢開花，我一定要將佢發揚光大，下次開得更靚更大朵至得！