2006 May 13
琴晚睇完演唱會食埋野，番到屋企搞哩搞路搞到3點先訓，但今朝7點就朝聖 = =
我就黎升天....要搞好<放逐>同<鬼姬> 2幅畫！
之後 9點幾先出門口，我地約 10點喺香港站零食物語等，預左遲到 ....
我仲要9:25先由荃灣上地鐵，但唔知地鐵近黎係咪俾鬼追，
開得快到離唒譜，只是短短5分鐘，已經到左荔景.....
牙骹都嚇甩埋....滴唒汗地，短短17分鐘已經到香港站，犀利......
9:45我就到零食物語，最早到〜
之後到廿個世紀冇見過的細佬幹傑，10個掛住我有2000萬個掛住 ....
勁開心地我地形影不離，成為左新一代七國集團孖公仔〜
我地好快就會被教會認同的孖寶接班人，好似家立同白臉依對公認生死之交咁....
不過，我地唔同小區，真有d唔方便〜
算吧，家立同白臉未又系〜不過成個 05年俾Pinky玩唒嘅至高寶座，
到06年一直都話要讓俾d新人，但好似一直都冇夠撼的接班人，
好彩〜依家有了...最好的朋友至高寶座終於由細佬幹承繼了！
我最好的朋友依然有（排名不分先後）媚丹Pinky，鬼婆Tina，巫女Vinkie，姣佬家立同豬豬細佬（這是頭 5強）〜
為左6月4日全球禱告日，我地依家就去排舞，好彩唔係去令我腳震的銅鑼灣練！
搵左勁耐先搵到〜我同七級細佬都係被安排Fing頭旗，
死拉〜原來到時表演場地系香港大球場的草地上，有幾萬個觀眾睇住......
我暈喇，我可以縮沙嗎？之後，開始排，勁多蝦碌野囉 ....都唔知到時點死，唯有交俾神拉〜
完左，白臉組話想行銅鑼灣，我當然走唔切拉〜
咁佢地就為左小小的一個我，犧牲了大大的一個小組 ...陪我番鄉下，鄉下仔就系鄉下仔......
回程期間，我地架地鐵拍緊 <高朋滿座>〜
之後我同幹傑由荔景開始玩手語玩到番荃灣（都傻傻地），去左coffee shop，悶到我。
 ...原本諗住同細佬二人世界架嘛....但白臉又要留住我........
我都唔知你地同我依個世紀地獄黑仔王玩大富翁有乜好玩....
我未又係全場最遲起步兼一開波就踩中交稅 2000元...
過左五輪，人地手上d地就厚過本聖經 ...
我就一塊地都冇兼得個罰字，得閒又坐下監〜都唔知有咩好玩！？
到分唒d地之後，我只係有太平山同尖沙咀兩塊地...
好彩細佬唔想我咁慘,同左同我合拼〜
但個遊戲好快就不了了之，因為個個都玩到訓著！
之後轉玩啤牌，我當然又系同幹傑豬一組 ..
我地差唔多由頭輸到落尾〜仲系唯一一組被扣到負分，
但去到最尾嗰鋪，第14鋪俾我地搏到，谷底反彈，唔使包尾〜
番教會，晚禱又同七級一齊睇經，嗚 ....晚禱後我地又要分開喇....
今日曉桐講道，心諗 ....上次聽佢講 <如何在感情路上無往不利>已經勁眼訓，今日已經眼訓底....
點知今日個題目係父母，開中我死穴〜
曉桐仲要講到變唒聲，死忍住唔喊咁。
 ...我最怕見到人講野講到喊，於是我都收唔到......
**我喊緊或喊完都唔鍾意講野，但我鍾意有人關心我，陪住我....
只要你在我旁，已經足夠 ....不需擔心，黑超可以遮住喊腫了的雙眼〜

2010 May 24
沒有聽的,不只是他...
還有我...
你是否忘了?
在你眼中就只有他嗎?
你的心...容不下我嗎?
在你口中,我是冠軍
是真是假,心水清都睇得出
不須再裝吧!
雖然十幾歲嘅我
演技冇你咁好
但你d戲
喺我眼中...仲未夠火喉
或許...
你的預言,其實已成了事實
套戲已上映一段日子了
而且好快就會落畫...
見多一日,就少多一日
但願...在剩下的日子
你會令結局出現轉機
而且...我渴望是..
你第一次的挽留..