2010年12月13日(Monday)
朝早8:51出發,香港已經下午3:51.....
狄寶神殿~其實係西班牙一大皇宮!勁大勁壯觀...天花板d畫好靚,成個人咁高嘅鏡,鏡邊又要鑲金囉!
吊燈又要成張床咁大....又好多金獅子!冇錯係金獅子,唔係陰司紙!
左兜右兜咁,隨時會蕩失路...
一大行程: 杜麗多古城....d建築物勁舊
 好多騎士盔甲、盾牌同劍賣,超靚!!
 就係呢個大教堂!
我覺得人一世物一世,點都要去一次!佢樓高四、五層,入面有8/10個沙咀道球場咁大...
內裏90%嘅牆都有雕刻,全部都係圍繞聖經故事同天使....
 其中呢個有三、四層樓高
黃色部份都係全金雕刻...靚到~
 遠觀杜麗多古城
之後去太陽門廣場,勁銅鑼灣feel....但唔知點解d賣衫褲鞋襪舖頭清一式都係女裝!!
請問西班牙d佬喺邊買衫架?
行到咁上下...諗住食BurgerKing...頂你!根本就係打開門口搶......
差在冇刀冇槍!全平嗰個餐都成7個幾8蚊歐元!(即$70-80一個餐)
於是番M記,我屌你柴九大奶奶!乜撚事巨無霸餐都成5個幾歐羅!?
於是叫左個香港冇嘅餐,都6個幾...
點餐先激氣!同佢講拎走,佢就起勢同我講班班牙文....
咪玩La,你幾聲撕力歇都冇用,我!係!唔!會!明!
我有我吹港式英文,佢有佢噴班班牙文....頂!我同佢又係冇將來!!
 發佢個神經!我買一個餐姐...
俾個SOGO掃貨袋我裝屍咩............
西班牙d廁所有別於葡萄牙,葡萄牙d廁所唔知係咪有感應..行入去會自動開燈~
但班班牙嗰d係啱啱相反!又唔知邊撚個皇室伯爵、太監勇士發明d咁嘅野....
佢精到識計時息燈囉!我試過去間餐廳廁所,仆佢個街!痾痾下突然息燈,黑撚到伸手不見五指!
好彩個燈掣有盞鼻屎咁大嘅紅燈做顯示,俾我襟番著佢~
但去到酒店個廁所,痴撚線到....又唔撚知係邊撚個航海英雄、建國大帝設計到盞燈掣喺個廁所外面..........==
搞到我要打開門做生意囉!!你話我係玩玩下,圍威喂嗰d生意仔就話姐!
斃在我唔撚知係我d腸胃太過健康定佢d野食太過乾淨,搞到我盤生意下下都搞到要上唒市,做唒大股東坐埋主席位咁...==
佢一息燈,我就裙拉褲甩、屎淋尿癩咁走出去襟掣,你都咪話唔好玩唔夠爽歪歪!
|
