2009 Jan 02
一年有365日
每個人,一年總有幾日係較特別/重要~
有人會將結婚週年,情人節,聖誕節依d日子列入特別日子~
喺呢d日子裏面,佢地都想過得開心,過得特別~
而我....都有幾日...
可惜...依幾日喺08年都過得唔開心....
2008年4月8日(21歲生日)
嗰日我仲要番工,但我做野做得好唔開心!
仲做到喊添....要數近幾年最唔開心嘅生日,
2008可謂當之無愧~即使之後有咩慶祝活動,我都開心唔到喇...
2008年中秋節
由8、9月開始,我已經四圍約人BBQ,但一路約一路約,約到中秋都一樣約唔成....
我只係想約班人去沙灘燒下野食姐,會唔會係要由07年既8、9月約到08年9月都約唔到?
有人話我點解幾個月前同幾個月後都仲係約緊人燒野食,點解咁執著?
我想話俾大家知,依d唔係叫執著,依d叫爭取!!!!!!!
人面對自己渴求嘅野,係應該要爭取!!
點解我咁做會淪落成執著?
結果中秋沙灘BBQ,會變成去沙灘睇人BBQ,然後食韓燒??
韓燒同BBQ又會唔會係同一樣野??唔通我咁又係執著?
2008年10月31日(萬聖節)
各位自認係我朋友嘅,請問你地依日去左邊?
我依日同一d完全唔熟,甚至完全唔識嘅人去左蘭桂芳,之後仲去埋銅鑼灣落d....
但我想問,如果你落d飲酒跳舞,身邊你冇一個識,你會開心嘛!!?
你仲會唔會飲得咁撚開心呀!?仆街!!
2008年12月24日(平安夜)
依一日,同4年前一樣....
2004年12月24日我自己一個人睇完<陳慧琳紙醉金迷演唱會>,就自己一個兜尖沙咀,
兜到3點我先番屋企!
因為面子攸關,咁早番屋企未即係話俾全世界全宇宙全銀河知我冇人約囉!
但自05年起,06、07我已經冇咁折墮....
但去到08年,我又唔知自己種左咩禍根,搞到我又係一個人!
仲有,唔該下次真係有心約我嘅,唔好等你冇人約時先諗起我!!!
我從來冇同意過我願意做大家任何場合時間嘅後備人選!!!
2008年12月31日(除夕)
今年真係第一年自己一個過除夕....
那種孤獨,憤怒,不安感直至依家都揮之不去....
即使我諗下容祖兒嘅<可歌可泣>,王菀之嘅<永遠幾遠>,謝安琪嘅<囍帖街>點唱,亦分散唔到注意力!!
一見到街上面嘅,一係一家大細,一係一雙一對,一係一大班friend!!
街上恐怕只有我一個係咁撚戇尻,除夕夜一條戇尻仔自己喺度兜.....
我點都吞唔落啖氣!!我應該冇做錯d咩ㄚ~
咁點解喺普天同慶嘅兩個大日子裏,我都係自己一個過?
好喇...2009係個好開始,因為有個好完美嘅除夕夜揭起!
相信依個2009,一定會俾我留下更多深刻嘅經歷,難忘嘅回憶!!
我一直都將<朋友>呢個身份放在我人生的第一位,即使我嘅朋友點對待我...
我都堅持一切以朋友行先!!
縱使依個社會風氣係,乜Q都男女朋友行先,
一出街,10個裏面28個都係為仔死為女亡,但我偏偏堅持自己信念!!!
但我撐得好辛苦....
呢個世界好似得我自己一個努力咁!!我走前一步,大家退後十步...
呢個係一場冇結果嘅競賽!!
我受夠了..我亦決定了!
我唔理用咩方法,個個禮拜落D落Bar識人又好,上交友網識frd又好,甚至折墮到日日喺街hea,求求其其撩人都好,我要盡快識到一班新朋友!
我唔理我將會識到嘅係咩人,有背景又好,索K吸毒嘅又好,年紀同我相差幾遠都好!
我要盡快搵人取代現任嘅Pinky同Vinkie,我唔要再忍落去!!
我唔理要付出乜野代價!我要話俾個天知,我冇左佢兩個,我一様冇問題!
加上我一直都希望尋回人人都應該擁有嘅美好校園回憶
讀左咁多年書,一直都冇朋友...
好希望體驗一下,著住校服放學,唔番屋企,同d同學四處流連嘅感覺
依家d frd,一叫佢地一齊著校服,實話我低能白痴...
呢一刻,我唯有發揮我優越嘅演藝細胞,繼續做戲...
當有一日,我羽翼已豐,我絕對唔會手下留情!
當日七級豬點死,我都要你地一樣點死!!!!
##後記..
結果,我喺09年3月份,喺南公識左程程,伍達明,蔡紹鋒,歐珊,小肥,蘋果,樂皮,小婷,楊俊飛,方仲偉及劉孝賢
正因為識左劉孝賢,所以識到田瑞鈴~於5月份識埋劉孝健,林秋容,林浩賢同梁奉茹
但好可惜...我慢慢就發覺佢地,同我係2個世界嘅人,佢地只係為左物質...而並非真心想同我做frd
加上當時阿健更令我心淡...無論我付出幾多,幾錫佢都好...
我從來都唔係佢心中嘅第一,從來都不被重視!
結果喺七月左右,我同佢地全部絕交!即使我喺五、六月已經同Pinky & Vinkie絕左交都好,最多未自己一個冇frd囉!又唔係未試過!
再冇揾佢地...再冇覆短訊...再冇聽電話...
喺嗰陣就識左蝦餃同蜜蜂
日子一日一日咁過,即使再撞番阿賢同阿健,佢地點嗌我阿哥都好,我都扮唔識佢地!
心裏係好難受,但我知道,我一心軟就係對自己殘忍!我一定要做到更絕...
十一月左右,我終於都俾左個機會自己同佢,希望行呢一步,我唔會後悔!
就係咁,十二月就識埋林智衡,同時亦識埋張卓瑩,慮文軒同鍾寶祥佢地..
|
