醒了...
一日唔徹徹底底咁離開,
一日都未能抽身看一看自己
我...係幾時變得咁低能幼稚?
或者近朱者赤,近墨者黑吧.....
一直以黎,我都太認真了
面對每次嘅分化、大吵細吵都係...
每次都好理智咁去分析誰對誰錯
每次都去講道理,攞道理撻人!
所以,我一俾人話或者杯
我都會好大反應,成日講:我都冇做錯!!
但我忽略左一樣野
我從來冇好好咁睇清楚呢班人嘅生存之道
原來佢地一直都本住:唔講道理就係最好嘅道理黎做人
我成日好執著咁問,我都冇做錯!做乜杯我??
但問題係,喺呢班人裏面,嬲一個人或杯一個人,係可以完全冇原因同唔須要講道理!
衰在我又要介意!
同佢地一般見識~真係撞鬼!!
太在乎佢地嘅一舉一動,已經係天下間最幼稚嘅行為....
姑姑講得好啱
單單一個人嘅能力係惡唔出樣
佢一次又一次搞咁多野出黎,點解仲可以俾佢得逞?
因為所有人一次又一次好戇鳩咁"原諒"、"接受"及"相信"佢~
正如點解菲律賓單野可以死8個人?
個槍手唔會無端端發狂開槍殺人,
班特警同當地政府都落左唔少力~
所以我唔應該下下都將所有罪名怪唒落一個人身上
其實成班都要負責任
或者咁講,
我係從來未見過一班人
可以咁多是非,咁多分化,咁多事搞出黎
好似下下都唯恐天下不亂咁,冇屎都要去廁所踎下等屎出!冇屎搵屎黎痾!
總之一d就鍾意搞d事出黎,可能因為一向hea開冇野做
得閒無聊搵個人出黎杯下鬧下,d日子會好過d~
一d就從來唔用腦諗野,你問佢乜佢都唔知!
個個都係被証實個腦只係得d花花草草....
咁都未算...
佢地d劇情往往都好峰廻路轉
睇少一、兩集真係完全唔知咩事
今日可以同你搭唒膊頭稱兄道弟
聽日可以反目成仇屌唒老母
但衰在後日又可以揸揸手講和,打唒車輪say sorry~
Shit!!係咪癲架!?
最衰嘅係,
呢班人個個都只係識製造問題
從來唔識解決問題(因為個個都唔用腦)
最叻就話出黎傾
但下下都搞到唔傾好過傾
好喇,單野一發不可收恰喇,點算呢?
未唔諗囉,番番屋企瞓醒當冇野,繼續成班出番黎,冇意識咁hea
喂大佬吖!件事未解決架!你唔諗佢,佢唔會自行解決架!
講多幾次,問多兩句就嫌煩,乜都答唔知!
咁唔該你「自行解決」la~
仲有,喺呢班人裏面
道德觀念會同傳統正常社會好唔同
好嘅,會被忽略、杯葛、冷落
衰嘅,會被認同、跟從、愛戴
真係好鬼funny!好鬼想唧你!!!!
最後,
我講過,我係唔會向惡勢力低頭!
嬲一個人,唔係咁嬲架!
唔係一、兩日就冇事,又可以玩番
其實唔關時間長短問題
係立場問題
佢冇認錯,亦冇道歉,無端端做咩原諒佢?
點解我要屈服??
附加多樣野
世界冇兩全其美,我知你想兩邊都唔得失
但你要清楚,呢個世界係唔會跟住你走,圍住你轉!!
老婆都只係可以娶一個,冇得娶完依個娶嗰個
世界冇你諗得咁美好!!
係,你唔知點面對我
但姑姑教左我一樣野
路...從來都唔係得一條.....
不過,我唔想再喺呢段關係上糾纒落去
我已經同外面嘅世界脫唒節
再纏下去,我怕我會連價值觀都改埋
我係時候須要徹徹底底地Reborn
|
