2010年9月23日(Thursday)
留喺屋企睇左好多集<宮心計>
夜晚入青衣做節~食完入梨木樹搵KiKo同細佬
玩完蠟蠋就送細佬番天水圍

2010年9月24日(Friday)
一朝早送砲砲番學
番屋企繼續煲<宮心計>
中午上林百欣搵細佬食飯
見到好多好耐冇見嘅人
好似培培、侖侖、傻鴨、Apple、賓賓王等等
食飯嗰陣先好笑
因為有d阿sir、miss喺隔離
為免其他人要寫口供紙
所以我就全程拎住部手機扮傾電話
但實際就係同緊佢地講野
哈哈...好似痴左線!
之後等細佬練完波就同佢食韓燒
期間....聽左d野,冇mood
再送細佬番天水圍
沿途傾左好多野,唉...

2010年9月25日(Saturday)
都估到你唔去,
你唔去,我去黎有意思咩?
但衰在我係發起人,我可以唔去咩?
唔好玩La...
去到見到蘋果、janet、文豪等人
janet話我變左,冇以前咁開朗-.-
嗰陣真係唔識笑
只識擺個死老母樣
身後係蘋果...
仲有,我唔係冇以前咁開朗!只係冇以前咁幼稚白痴!
以銅為鑒可以正衣冠,以古為鑒可以知興替,以人為鑒可以明得失!
我大架喇,唔可以好似班細路咁,苟且偷生,仰人鼻息!
試問我會喜歡獨行獨斷嗎?但無規距不成方圓,無峻刑難守律法!
有錯當罰,有罪當誅!咁其他人先有法可循,有例可依!
我睇到嘅係真憑,我所講嘅就係實據!
人在做,天在看!
要知道善得人喜,惡惹人離!
你以為你人多就好巴閉咩?
個個都只係口服心不服!
因為你獐頭鼠目,行藏鬼崇!
所以人心先背向!
(講完!)
等埋孝賢,我地就上城門水塘BBQ
我真係未試過咁樣!!
因為我遲黎,唔知佢地先前準備成點,我只係負責買炭...
係咪依家d九十後得3種?
一.會用腦,而且用於正途,只係識讀書-------------------好一條蛀書蟲!
二.識用腦,不過唔係用於耍手段,就係用於攻心計,最叻講大話 & 搏同情
三.完全唔用腦,有飯隊埋黎就擘大把口,有屎賴出黎就屎忽扭扭!
點會去BBQ唔買野飲?
想親近大自然吖?唔知大家想飲溪水定湖水呢?
城門水塘唔係燒烤場,只係郊野公園,點解會冇人帶電筒?
係咪真係諗住中秋佳節,個月會又大又光,冇燈可以學d原始人咁靠月光照明?
請問單靠火光,你睇唔睇到條腸燶左未?隻雞翼熟左未?點ar?憑第六靈感吖?
呢樣都唔算嘔血!最抵死係燒烤叉都冇.......
想用樹枝拮住燒定攞碌野叉住燒?
個爐就開左喇,大家就企唒喺度,你又望下我,我又望下你咁~
突然有人好醒咁提議,不如放喺個網上面燒......
唔該,放左上去未燒死一面囉!點反轉吖?用手吖?
到時個網又唔郁得,始終係鐵,熱架嘛!
我一講完,佢地又好醒咁用隻膠叉反d食物
shit!! 點解可以咁蠢??
膠叉會溶架嘛!仲有...膠叉咁短,你揸住支叉仔喺個網上面撩黎撩去
個火咁大,咁未即係燒自己隻手!
最終等子軒上左黎,我地先有燒烤叉用!
大概十二點幾走,我地一行6人由城門水塘行落去荃灣!
我同文豪坐馬路~
行到石圍角,同janet、文豪等人玩誠實與大膽True or Dare,嘩!!Janet何其豪放....
我嘅初吻又被文豪同ling搶走左....shit
3點幾走

2010年9月26日(Sunday)
原本約左去游水,不過俾人推左幾次
算~其實預左!
自己一個人去游....
游水梗係冇gel頭冇化妝la,我個樣猶如halloween班喪屍咁
我太白痴,合埋對眼亂游
成個頭撞埋牆
好彩水有阻力,否則個頭實爆.....
成年幾冇游過水
以前一啖氣可以游半個直池
依家一個直池要用3啖氣..