9月28日(星期二)
其實早於9月25日星期六,已經知道鍾寶同穎憧散左,都有諗過同佢傾下~
不過我都知好唐突,本身都唔會私底下揾阿憧...所以隔左幾日,等佢冷靜d先揾下佢
講真,我係一d都唔贊同大家拍拖,須知道大家只係十二、三、四歲,你地明白何謂愛嗎?
唔好以為有拖拍就好型好威,好似好成熟咁!
其實咁細個拍拖,先至係幼稚嘅行為!
你地明白自己需要d咩嘛?對方又需要d咩嘛?
請不要懶係識諗咁話你知!話自己明白!
有好多人活到三十幾歲,都唔知自己想要d咩!
何況係你地依班乳臭未乾嘅小子!
你地依家所做嘅都係嘥心機,嘥時間!
目光別要太短視!你認為呢段愛會長久嗎?
如果你地只係抱住玩玩下嘅態度,OK~
但請各位唔好分手之後又要生又要死
喊到呼天搶地咁話自己有幾愛佢,又冇左佢唔得等等...
要知道"百世修來同船渡,千世修來共枕眠"!
上天自有安排,咁急做咩呢?你仲有大把時間La~
唔好傻到以為2012真係會世界末日!戲黎架咋!!
你地只為追求眼前呢一刻嘅快樂,從冇為將來打算過!
點解d大人會安排呢段時間係番學讀書?
佢地曾經都做過細路,佢地知道依條路已經係最好!
點解大部份家長都反對大家拍拖?
始終男大當婚,女大當嫁!
佢地冇可能攬住你地成世!
只係依家,真係唔係時候!
冇番咁上下人生經驗,你地有能力妥善處理問題嗎?
處理不當就會種下禍根,到時牽連甚廣架喇....
不經一番寒徹骨,焉得梅花撲鼻香!
同阿憧傾左一陣就走
希望幫到你
9月29日(星期三)
出糧喇,好神奇!今個月係八月份糧都未洗完,九月又出糧!
剪頭髮前撞到BB,JANET
JANET同文豪散左~嗰日BBQ都預左....
剪完揾JANET傾....
其實d道理黎黎去去都係嗰幾款,確實呆板納悶
所有關於愛情的慰語都係一理通萬理徹,萬變不離其宗!
從來風來疏竹,風去而竹不留聲!
雁度寒潭,雁去而潭不留影!
正所謂:金也空,銀也空,死後何曾在手中
官也空,侯也空,盡是苦憎恨無窮
妻也空,子也空,黃泉路上不相逢
塵世種種都只係一陣風,一切都係過眼雲煙,都係咁來去無蹤!
何必處處耿耿於懷,事事強求執著呢?
要過去的就由它過去吧...
硬要揸緊唔肯放手,到頭來傷都係自己傷,痛都係自己痛吧!
9月30日(星期四)
今日同文豪傾.....我幾時變左愛情專家?
都係嗰句,
多兒多女多冤家,無兒無女坐蓮花!
所有野都係你地自尋煩惱,庸人自擾,一切與人無尤!
10月1日(星期五)
夜晚入天水圍,同PINKY傾間coffee shop嘅招牌
乜咁睇得起我?搵我幫你設計招牌
傾到十一、二點過西鐵站搵細佬...
你架亡命單車終於都撞左....危險駕駛下,你我仍絲毫無損,真係要買買六合彩...
10月2日(星期六)
入左天水圍同細佬游水(第一次咋)
個滑梯爽歪歪~
水著男孩....
水著兄弟...
之後番細佬屋企一陣,佢妹妹好得意,同我屋企隻蟾蜍冇得比!
4:20pm睇<3D生化危機>....
睇完搭巴士出旺角
sorry吖Kiko,因為冇諗過你要趕住10:00前番屋企
原本係plan好,出左旺角行陣街,先傾去邊食,所以冇book枱
別責怪細佬吧!千錯萬錯都係我嘅錯!
幾經波折下,去左一間有得食日本野、越南野同泰國野嘅放題....(見到王喜)
我覺得荃灣嗰間好食d~
之後細佬送Kiko番屋企,我就行陣旺角...
最後喺荃灣西join番細佬,送佢番屋企~
10月3日(星期日)
出葵芳,同pinky再傾個招牌....
 椰子咖啡~
諗到爆頭!!走嗰陣,頭痛添!!
10月4日(星期一)
好耐冇見姑姑~
估唔到隻舞仲有機會跳,Magic。H仲有機會表演!!
星期日就係喇!加油吧~
冇錯!呢年我的確浪費時間,虚耗光陰!
年多前,係蘋果令我明白,我存在的意義!
但大半年前,係阿衡令我忘記我存在的意義...
現在,總算覺醒了...
希望大家記住我講嘅野,今日唔明唔緊要!總有一日,你會明,你會識諗!
買左本書<墮天使聖典>,終於搵到!!
買左支筆,刻住"special brother"~當然係送俾細佬La
番到屋企開工!!寫個Kin字出黎
用左2小時畫~不過如果可以黑白色調轉會仲靚
例如咁....
10月5日(星期二)
放工練舞.....好辛苦!
勁唔舒服!練完又多一單野....
對唔住吖Kiko,我只奇怪你點解會知...
因為平時你唔會打俾我搵佢架嘛~
冇人呃你,別太敏感吧!
送細佬到車站就走...有d衝動想飛的,因為好辛苦....
揾BB陪我番屋企
原來我真係發燒,102度...
sorry ar Janet,我真係唔舒服先冇mood同你傾....
10月6日(星期三)
病塌中....請了病假
1:00上左林百欣揾細佬食飯
今日食粥~
希望快d好番!我要練舞!!!
|
