大家睇下我嘅傑作...
 合共46袋綠色袋,31箱白色箱.....執死我
膽生毛嘅我喺我office張枱放左10隻公仔
2010年11月19日
喺10年前嘅今日,容祖兒喺紅館舉行佢人生第一次及第一場嘅演唱會
今日佢成為香港史上,十年內喺紅館開得最多次演唱會嘅女歌手!
第6次個唱嘅第一場
 紅館翻新後第一次睇concert
 第12行超近
 3萬幾人...多虚陷
 我部X6影得差咋,其實清楚睇到佢d眼耳口鼻~
 我全晚玩左盞燈好耐~
講真,今次個演唱會冇上次starlight咁正
可能佢唱得太多冷門歌,咩<蛇>、<Scream>、<穿花蝴蝶>等等
比較hit嘅<我的驕傲>,<世上只有>,<明日恩典>,<華麗邂逅>,<陪我長大>,<綠野仙踪>,<雙冠軍>,<可歌可泣>等等一律冇唱...
不過佢自彈自唱<空港>真係好正!!愛死佢!!!!
2010年11月20日
原本約左12點紅公等,但琴晚同阿衡喺世界殯儀館附近玩左咁耐....搞到我12點幾先識醒
哈哈,搞到阿憧等左成個鐘,我1點到,但竟然....得阿憧一個!全世界都遲到...於是憧憧就發癲,喺紅公咆吼
d龜都忍唔住望左一望,我見d龜想攞槍啪左佢
之後2點阿遠同皓文黎埋,我地決定唔等林智衡同盧文軒,由得佢地瞓到天昏地暗吧!!
搭43x入馬鞍山踩單車,$20租一日....但根本就係一個局!係龍局!龍運喎....
一開始,我俾隻蜜蜂纏住,我定格左勁耐,佢嬲完左邊嬲右邊,不停喺我頭定盤旋,得閒就降落幾秒!
佢欺人太甚到...經常喺我耳邊播d天籟之音,叫d海豚聲出黎!
我真係好想用蟲語同佢講: 唔使揾喇,依度冇蜜你採吖!走La (如果我識蟲語嘅話~依d未叫書到用時方恨少囉!鬼叫我唔努力讀書咩><)
死毒遠仲低b到用口吹佢,你當自己係風婆婆嗎?
試問有條全裸AV女優坐喺你面前,突然有人用手遮住你對眼,你會唔會為左對手而放棄唔睇?你未只會避開隻手繼續望~
之後到賴屎蟲...又話自己得,都唔知踩到似乜!一睇就知佢唔得,左fing fing右fing fing咁...算La你唔好踩La,你wave過去大埔吧~
點知由馬鞍山都未踩到沙田,一落隧道就聽到頼屎蟲慘叫,由頭叫到落尾,拎轉頭一望..
見到佢完全進入忘我境界,毫不猶疑,刹都冇刹到掣!唔知係架單車同佢有仇定道牆得罪左佢....佢係成pat屎咁癡左埋牆,仲要係全速撞埋去...
我同皓文係笑到反車,真抱歉...未能錄低俾大家睇賴小姐嘅亡命瞓身演出!當大家見到架車帶頭撼埋道牆度,淪為廢鐵後,憧姐成個人彈前~
整個軀體都係凌空咁瞓落道牆度,撞完仲要黎個破冰轉身撻落地,你係冇辦法唔笑....
好喇,全程我地3個好似還債咁還俾賴屎蟲,不停等佢..到到大埔,毒遠架車中毒身亡...
打番電話去間龍運單車行,佢叫我地一係拖番架車番馬鞍山,一係拖番架車去大尾篤,一係攞架車去整....根本就係個局!
商議過後,喺大埔搵單車鋪整車點都容易過拖車去大尾篤或番馬鞍山,於是就喺馬路四圍踩,簡直驚險萬分!
正路我地應該係睇住毒遠,因為佢拖住架廢鐵,但竟然佢要睇番頼屎蟲轉頭..真係另人挖目相看!
整完車都天黑了..全速衝番馬鞍山~沿途,憧姐又玩野!
踩踩下,憧姐突然大叫...因為佢電話突然跣左出黎,我就急停睇下佢點,點知我身後嘅皓文正全速衝埋我度
根本佢掣唔切車,而我亦趕唔切避,唯有襟實剎車掣硬食....
佢一撞埋黎,成個皓文飛左出黎,我即刻接住佢,但佢小弟弟就食到應一應....佢個軚盤成個插左落我個後輪裏面!
順利還車後,我地4人番荃灣
 我同撞甩啫啫嘅皓文影相~
喺大河道送皓文番荃廣再行去南豐同炮炮、遠及憧食野
再喺老闆度買野,炮炮同遠走左,因為Janet同Leo黎左
買完送Leo番福村,再送憧番綠楊,之後用20分鐘衝左去海旁搵阿衡~
12點幾元祖豬黎左搵我同阿衡,1點就送左元祖豬番大窩口,再行番去松記搵番炮炮同遠
我簡直好似參加左慈善百萬行咁...行到我==
我地坐喺松記突然驚見炮炮膞頭上企左隻42吋成73吋嘅巨型大曱甴,我係大叫彈開!
炮炮竟然勁冷靜咁wave一wave個膊頭,隻小強精就飛走左!冇錯係飛走!!!!
係幾時曱甴學識番飛架呢?
好開心ㄚ依2日^^
第4輪分組出線賽已打完
Team of Pride: 05. 大偉(0) vs 08. janet(3)
Team of Wrath: 05. Tina(3) vs 08. 美玲(0)
Team of Envy: 05. 家立(3) vs 08. 歐珊(0)
Team of Sloth: 05.樂皮(0) vs 08.Vinkie(3)
Team of Greed: 05. 小婷(0) vs 08. Pinky(3)
Team of Gluttony: 05.耀仔(0) vs 08.恩恩(3)
Team of Lust: 05.阿Ling(0) vs 08.阿遠(3)
Team of Se7en: 05.溫鋒 (0) vs 08.蘋果(3)
呢場比賽編號08嘅選手已經係第2次比賽
歐珊同美玲兩場都打輸,要出線真係差些少...
而Pinky已取得6分,只要贏多一場就已經坐定粒六出線!
第5場分組出線賽:
編號01 vs 編號07
Team of Pride:
01. 炮炮  vs 07. 楊俊飛 
正路賽果預算: (真正攔得住炮炮嘅,相信只有ㄚ健.....又有3分喇)
Team of Wrath:
01. 頼穎憧  vs 07. Yvonne 
正路賽果預算: (阿憧正直氣勢如洪,可謂阻佢者死,賴屎蟲贏梗)
Team of Envy:
01. 皓文  vs 07. William 
正路賽果預算: (皓文同憧憧一樣,近期食錯藥咁進入暴走狀態,大有機會全取3分)
Team of Sloth:
01. 林智衡  vs 07. 謝穎南 
正路賽果預算: (上回已驗証了阿衡實力大不如前,今次面對新勢力阿南,真替人擔心,我估阿南贏!)
Team of Greed:
01. 劉孝健  vs 07. 姑姑 
正路賽果預算: (上回爆冷落敗的阿健,今次面對姑姑可謂勝券在握)
Team of Gluttony
01. 江浩翔  vs 07. 鍾寶祥 
正路賽果預算: (雙長之爭....鍾宝勝算略為高一点)
Team of Lust
01.馮幹傑  vs 07.張天樂 
正路賽果預算: (阿樂真慘,注定要先輸一場,點贏元祖級吖??)
Team of Se7en
01. Cookie  vs 07. 尹浩軒 
正路賽果預算: (唔打都知邊個贏)
加油!!!
|
