首先,如果全世界d女人都好似你咁做人,
搞基的確係個唔錯嘅選擇!
學阿Yu話事,同你做frd都幾辛苦...
對你好d又話人地想虐待你,又成個傻仔咁俾你玩;
對你差d又話人地心理變態、攻心計等等~

係咪好憎我同Kiko呢?因為我地一次又一次咁釋穿你嘅大話!
等我再一次篤爆你la~
唔該下次講大話嘅時候,用腦諗清楚先!
你話你俾屋企人打到入醫院,佢地冇俾人拉係因為你冇告!
幾錯都好都冇理由告自己父母..
我睇完之後,真係有為你嘅孝心感動,想去流一滴眼淚!
結果,眼淚我係有流...不過係笑到流眼淚!
枉你住左喺香港咁耐都唔知香港法律!
打得電話報警,告唔告佢地嘅決定權已經唔喺你度!係喺法官度!
正如你係餐廳食煙,即使所有食客同d伙記都唔投訴,
控煙辦見到,一樣告你!
仲有,你俾人打傷入院同你精神病發作入院,
住嘅病房會唔同!究竞係咩科嘅醫生睇你....
喺你講呢個大話之前,你係咪忘記左我喺邊度番工?
雖然你住喺瑪嘉烈,但只要同屬醫管局旗下
你估我有冇能力查到你住咩病房,睇咩科醫生呢?
當然,我有冇去查係我嘅事!
查到嘅結果係點,我唔會同任何人講!
因為我唔係你,我識香港法律!

同樣地,你嗰晚係咪真係要去紐西蘭..
其實民航處係有紀錄架!
小妹妹,等我話你知,香港唔係晚晚有機飛去紐西蘭架!
下次唔好吹咁大喇...
面就人地俾,架係自己丟架咋..
依家未瘀到爆囉~
點吖?又諗住點兜?

仲有,我依家有冇見鬼係咪下下要打黎同你匯報?
點解依家行去海濱會冇事,又冇野上身,又唔行去墳場?
第一,如果行親去海濱就一定會撞鬼嘅話,相信海濱可以成為香港新嘅一個旅遊區!
第二,如果真係咁靈嘅話,我唔使去番工La!索性喺海濱開間舖頭做問米未得囉~
咁鬼靈實上埋電視,成為全香港最首屈一指嘅靈媒添~
第三,墳場依d地方唔使成日去,不過我下次再去就肯定係去拜你!

你話我鬧你係因為你搶走阿衡
咁點解我唔鬧埋鍾寶、no文?淨係話你一個?
佢兩個冇做錯,我做乜要鬧佢地!
我只係對事,唔係對人!
我冇妒忌d乜!只係對你所做嘅睇唔過眼姐!
重申最後一次,我冇鍾意阿衡!
就算我搞基,都唔會搞個細自己咁多嘅人!
你諗得太多喇!
你成日問點解人地唔企喺你嘅角度度諗,點解你要講大話...
但你又有冇諗下人地俾你呃左又有乜感受?
嗰d係你d朋友黎架!阿衡、鍾寶、no文都係真心對你!
換轉你俾佢地呃,你又有乜感受?
如果你只係為左嗌贏場交,爭番啖氣的話
你寫番千幾二千篇日記鬧番我,我冇所謂!
有冇講大話,有冇搏同情,有冇做戲...
你自己好好問下自己!唔須要答人!你自己最淸楚!!
希望你可以認認真真反醒下..
你只係14歲,仲可以改!
請你認真望下阿衡、鍾寶、no文...
依d真係關心你嘅朋友黎架,乜你忍心呃完佢地一次又一次咩?
乜你認為你冇心臓病,佢地會走左去唔理你咩?
乜你認為你冇俾屋企人毒打,佢地唔會去關心你咩?
乜你認為你唔去紐西蘭,佢地會唔打俾你唔搵你咩?
即使你從冇講過嗰d大話,當你唔開心嗰陣,佢地一樣會陪你!
同情憐憫換來的關懷,猶如乞討番黎嘅野,你真的希罕嗎?
佢地真係當你係朋友,根本唔使呃唔使氹!
我要講嘅就係咁多,你鍾意嘅可以繼續鬧我
但我唔會再作回應...因為作為朋友,鬧你勸你都試過了~
責任我已盡左,將來條路始終係你自己!