13.8 SCC 大CAMP!!!

原本10點半番到去的.. 要幫手天才表演 所以8點番去

等齊人就開始練 其實真係吾錯架 大家好努力!!

11點45上車出發!! 去烏溪沙!!

去到入去大HALL度攞3攞TIMETABLE

之後出去升旗 HOTHOT!!

完左 番房換3 女去上禮儀課程 男去體能課程

跟住dinner 之後又入番hall度玩坦克車

要用d報紙痴埋一齊 成一個圈 人企係企面行.. 要行好長..

我地NT1 d報紙爛晒 輸了~ 不過都無諗過會win.

跟住番房沖涼 hea左陣. 就訓了.

14.8

5點45起身.. 6點半做P.T 曬住尼做. 出左勁多汗.

覺得好無謂.. 做尼都無咩用.. 仲要坐係濕的草地上拉筋 ><

完左又番房換AWD- -'' 升旗 升完又番房換隊T 真係超煩!!!

跟住食早餐  食完去草地等 原先又話係玩野外定向的.

但吾知去錯地方定係轉左.. 變左運炸彈..

我同方zi出去 佢矇眼我指揮! 吾可以講d人地聽得明d暗號

我地就諗左 o~=前 wa~=後 bo!=左 oh!=右 支支=汁野

超搞笑 玩玩下都吾知自己up咩.. 方zi又吾知做緊咩野><!!

不過都汁到9個水彈 已經好好了!! 跟住吾小心整爆左3個

之後就要"擇"個炮架出尼發射 我"擇"得好實呀><!! 我覺得..

玩完就去大hall 玩體能- -'' 明明d野係吾洗我地玩 無喇喇又要-3-''

累死人喇>!<!! 我做室上壓 幫我數個男仔呆了.. 1min = 80下

之後就食lunch~! 食完之後就去左籃球場睇3人籃球

有ylok jerry 梓儒 志健打的 輸了 d人勁囉. 但你地都叫得好好!!

跟住睇睇下落大雨 去左屋仔度避雨

停雨後 我 方zi jerry 細細粒 4個玩水game 仲有4個做後備

第1個任務係要游到中間係水底汁塊野上尼睇有咩指示

但我都吾知係汁d咩野- -''' 又無泳鏡 睇咩都一舊舊- -'' 汁左番去.. 雙眼又紅又痛

最後都輸左 因為其他隊 4個男仔 有泳鏡 吾緊要喇~ 只係一個遊戲!

完左 番去沖涼 跟住dinner 之後就天才表演!!!!!!!!!!!!!!!

我地去左c座集合 見到班男仔.. 一行出尼.. 個個都吾同晒... 帥呆了><!! omg!!

細細粒化身成小天使 真係超靚仔!! 原本帶住眼鏡 之後無帶 靚仔左好好好好好多!!!

因為個個都jell晒頭 超正 個個人個樣都變了!!

跟住我就要係台上幫手攞住支mic 我地第1隊出. 係後台個時 個個人都好緊張啊!!

我都係><!!! 大家加油!!! 出場放好d野.. 就開始!! 開始左無耐 有個bit 全場就跟住一齊拍手.

真係好正!! 朱軒無喇喇痴左!! 放左好多 演得好左好多!! 有一下佢moonwalk過尼鮑劍度.

我見到佢個樣幾凶恨!!! 見到都嚇左嚇 仲要有d燈光 真係超勁!!

完左之後 大家都鬆一口氣~!!! 番番落去坐 仲未HI完>< 真係正到爆!!

全場拍手 一齊唱首歌 真係好正!!

睇埋其他隊d表演 吾可以話吾好 只係各有各特色囉- -'' 有擦鞋的 有黑幕 ...

到到最後. 宣報結果!! WA~! 真係個心都跳埋出尼..

第3名.. 吾係 第2名都吾係. 第1名 T.S...... 馬可賓!!!!!!!!!

我地成TEAM人係彈起左 開心到傻!! 痴左線!!! 攞埋d旗出去影相 真係超開心!!!!

個個都有淚光 超開心超開心!!! 之後仲有disco !!!! 爽到震 超開心!!

個個都好開心!! 超放!! 之後攞住個獎去搵外國人影相 真係超好!!!

播d歌好正 bad romance . love game. boys boys boys....

完左 penny買pizza同我地慶祝!! 超開心!!!!!! 正~!

夜晚番房 同諾晞傾計 傾到好火><!!! 狂爆粗 d sms都有好多粗口 差吾多句句都係.

12點之後 就開始有sms 電話到喇!! 真係好多謝你地!!^^

同諾晞傾到4點幾就訓了.. 超累..

15/8

原本5點45要起身做P.T的 但點知出左少少意外.

所以無去做 靜係去左升旗 之後食早餐

跟住去hall度睇拔河 超勁!! 我地NT1 win左一局 但輸最後一局. 吾緊要!!

之後睇外國人對杭州的小朋友鬥. 估都估吾到 小朋友win左.. 超勁!!

完左之後 坐係地下度聽 禁毒講座 尼個組織尼過我地學校- -'' 所以聽過晒.. 悶..

之後番房汁野. 汁完去食lunch 食完攞campbag去hall 聽頒獎 之後上車走..

真係超累. 2日夾埋都訓得7個鐘.. 累死了. 係車度都吾好訓的..

係mkp放好晒野.. 走得 同諾晞.jerry.ylok去百分百食野. 傾左好耐計 吾錯吾錯!!

番到屋企沖涼.  之後就睇你地d comment喇!! 再一次多謝你地^^

好開心.. 第1次有咁多人同我講生日快樂.. 好感動啊!!

我希望我尼種開心的心情可以keep住落去.. 要日日都咁開心 之後令到身邊的人都開心^^