DELON係加拿大既天然品牌，70多年黎以全天然植物，揉合跨世紀研究的植物學、草本及花類智慧，致力研製零污染、零防腐劑的優質有機護理產品。
無論是臉部肌膚保養系列，或是淋浴及滋潤身體系列都有有機認可，完全不含對人體及環境有害的化學添加劑，亦絕不使用動物作為產品測試，連包裝均以有機物料重新製造，貫徹愛惜生態的品牌哲學，零污染、最純、最天然咁追求自然肌膚的最理想狀態。
2013年進軍香港，最近仲係尖沙咀 K-11 地庫2層開設專櫃添。
今次Yandy就可以趁機體驗一下自然既呼喚啦：）
DELON既產品由臉部肌膚保養系列，到淋浴及滋潤身體系列都有。
第一次接觸就樣樣都試下啦XD
Organic Now! 洗護系列含高達72%有機成分，系列包括洗髮水、護髮素、補濕乳霜、潔手液及唇部滋潤霜，均不含防腐劑、尿素、起泡劑及人造色素。
早前因為用左有矽靈成份既洗頭水，洗到我D頭髮一舊舊，搞到要做左個超貴既深層清潔先無事，唸起都肉痛呀>.<
所以而家揀洗頭水都好小心，睇清楚哂成份係無矽靈先敢用呀。
Organic Now!有機洗髮露我睇過哂無矽靈架，仲係採用天然蘆薈作基底配方，溫和清不潔，唔傷頭髮同頭皮，洗髮同時仲有潤滑同保濕效果。
個香味好清新，有大自然既感覺，洗完頭唔洗用護髮素都好好梳。
以各類植物及果實加入製成既Delon潤膚霜，有成有10幾種唔同味道，當然功效都唔同啦。
我就揀左呢隻葡萄籽身體潤膚霜，葡萄籽含有大量花青素，係非常好既抗氧化劑，可以預防皮膚變暗啞及衰老，仲有抗過敏功效。
大家都知道我最鐘意同陽光玩遊戲，呢個就岩哂我去玩完返黎急救啦：）
潤膚霜入面仲有D粒子，可以做埋身體磨砂，個香味好Fresh、好天然。
曬完成日，用佢清返乾淨D防曬兼Relax下，真係岩哂。
洗完仲好滋潤兼光澤返哂黎。
最後黎到唇部滋養霜，潤唇膏我隨身都有幾款，連夏天我都可以乾到爆哂擦，無返幾款跟身真係唔得掂。
芒果唇部滋養霜除左可以減淡唇色暗啞、減少唇紋出現及爆拆情況出現，氣味仲夠哂香甜。
用手指既熱力已經可以令潤唇膏好似雪花咁溶化出黎，綿軟唔油膩既質感搽上嘴好舒服。
上嘴唔會一層油咁，帶返少少光澤感既同時都Keep到自然，唔化妝用都唔會match唔到。
臨訓前仲可以厚厚咁搽一層，當唇膜用，Keep住搽，個唇都細滑柔軟D呀。
更多資料：
Facebook: https://www.facebook.com/DelonLabHK
Retail Address: No.3, B2, K-11 Art Mall, 18 Hanoi Road, Tsim Sha Tsui, Kowloon
「產品及有關資料由品牌提供」
|
