Blesscuit係香港美腿藝人陳敏之既餅乾店。
由Blessings(祝福)同Biscuit音(餅乾)結合而成，向大家發放祝福，鼓勵大家推行多祝福、多感恩既生活態度。
早前係金鐘廊Lab Concept開左第三家分店啦>////<恭喜!!!
等我迫入去同大家直擊下啦!!!衝呀!!!
舖頭入面最中間係曲奇試食區，有成十幾款口味，真係唔知從何試起。
我就試左朱古力味，好香好有朱古力味呀((我見D美食節目都係咁形容架XD
仲有個煙燻火腿曲奇，又咸又甜，食落都幾得意。
幾鬆脆，味道夠又唔會好油：）
一盒有幾款味，仲係獨立包裝，唔怕一開就淋哂，鐘意幾時食都得。
中秋就到，月餅一定唔少得啦!
呢個祝．圓滿 WHOLENESS月餅禮盒(8個裝)就滿戴左Blesscuit對於大家既祝願：
「事事圓滿，如意平安」
味道配搭都幾新鮮喎，有4個迷你柚子奶黃曲奇月餅同4個迷你桂花綠豆曲奇月餅。
雖然唔知味道如何，但中秋為家人送上呢份祝願其實都已經夠哂份量啦：）
聽講已經賣得七七八八啦，想試就要快啦!
當日老闆娘之一既陳敏之小姐親身落舖為大家介紹佢地公司既新產品：
酥．BLESSED SO．幸福
酥．SWEET SO．甜蜜
用左頂級法國牛油同麵粉，每片足108層疊成，4款由廚師精心配搭既口味，成個製作過程需要五日，都幾考心機。
酥．BLESSED SO．幸福
金鑽松露蜂蜜千層酥 x 9片
松露蜂蜜 x 1支
芝士香草千層酥 x 9片
芝士醬 x 1支
酥．SWEET SO．甜蜜
紅桑子玫瑰千層酥 x 9片
玫瑰蜂蜜 x 1支
原味楓糖千層酥 x 9片
楓糖漿 x 1支
單片獨立包裝，每片千層酥都保持最鬆化、最新鮮既狀態。
食個時可以搽上Blesscuit廚師自家調配既秘製醬料，令味道昇華。
試哂4隻味，入口鬆化，108層真係掂!
我就最鐘意原味楓糖千層酥，好多朋友都知我份人So Sweet，所以係唔甜得既XD
呢隻原味楓糖千層酥滿載牛油既香味，仲加入左大西洋海鹽同加拿大楓糖漿，又香又甜又帶咸，口感層次極豐富。
我鐘意加埋酥．BLESSED SO．幸福個芝士醬食，冇得頂呀!
紅桑子玫瑰千層酥就用左女仔最愛既粉紅色，玫瑰香味加埋紅桑子既微酸感，完全俘擄女仔心，呢隻我鐘意單食，好好品味微弱既酸甜XD((好想講有戀愛既感覺...大誤!!!
講靚就一定係金鑽松露蜂蜜千層酥，雖然我麻麻地松露陣味，但無可厚非個味係好搶既，加埋個外型，金光閃閃咁，無得輸。
芝士香草千層酥個芝士味好特別，係MIX左好幾種芝士整成架，加埋意大利香草，異國風味洋溢：）
店內仲好貼心咁準備左唔同既心意卡，買曲奇就可以揀返張寫上你既祝福，透過曲奇將祝福送出去，分享喜悅。
我地雖然唔同公司，但分享同一個Office，分享同一份祝福>/////<
佢地仲好誇張咁表示Blesscuit係最好食既，仲係冇之一!!!
了解更多：http://www.blesscuit.com/
|
