係人都想有靚靚既三角肌紋，但事實上又有幾個人有?
呢個時候就要由一個月前講起啦...
話說FANCL邀請我試用佢地既全套產品一個月，哇!用成一個月?
大家都知我勁貪新鮮，要我成個月淨係用FANCL，即刻就想打退堂鼓XD
不過幸得Stella BB捉住我，咁就展開左我同FANCL既初接觸啦。
個時去左FANCL位於九龍塘既展場，一向主打無添加，產品都以小瓶為主，但原來仲有唔少健康產品。
順便去左FANCL專門店參觀，一入去係超大空間既屏幕，經常會展出唔同既Cross Over，係香港咁細既地方，居然有間店會劃出咁大既空間做展覽館，正!
店員會因應需要介紹返岩你既產品，旁邊仲有個電子產品資訊屏，自己都可以禁下、睇下帶咩岩用架。
我皮膚問題都唔算太大，但自覺毛孔比較令人在意，同埋之前暗瘡大爆發之後既痘印亦一直未清>.<
同朋友仔邊傾了解FANCL呢個品牌，原來佢地好多都係粉絲@口@
我就成日覺得FANCL唔擺得耐，所以咁耐以黎真係一件FANCL都冇用過^^"
今次做左肌膚測試，BA因應我既需要，幫我配左成套產品，等我即刻挑戰下「斷用防腐劑，豪用FANCL」一個月!!!
從來都無用過FANCL，估唔到由包裝開始已經令我有好感XD
一按、一拉成個盒就開左出黎，所有資料都印左係盒入面，慳返唔少紙品呀。
一個月換一枝既速度，咁既簡約包裝令我呢個懶環保既人對佢加返D分。
MCO 納米卸粧液不含礦物油，高效洗去毛孔油脂角栓，針對頑固難卸的眼、面、唇妝及防曬品，洗既感覺好溫和，好輕身冇乜油感，就算開眼都唔會澀眼。
我自己溶妝問題唔算獨嚴重，所以防水產品都比較少用，落妝都好快手，兩、三下就唔見哂D眼影眼線啦。
加返水做個乳化，再過一過水，個感覺都幾清爽，又唔會好乾。
我基本上一個星期都要用最少五日，一個月用左2/3枝左右啦，但原來個兩日有搽防曬都最好卸妝，所以一枝MCO 納米卸粧液大約用一個月就用完架啦。
落左妝都要竹心乖乖地洗面，BA幫我揀左呢隻保濕型既柔滑潔面粉 ，配埋個起泡海綿，濕左個波波，倒一茶匙左右既潔面粉。
㩒下㩒下，D泡泡就出哂黎啦：）
泡泡好豐盈，係面到好似氣墊咁彈下彈下，高效去除污垢、油脂及角栓，同時又保留返天然保濕因子，鼻鼻既黑頭好令人在意，用兩隻手指打圈推多幾下先。
幫自己同個起泡海綿一齊過過水，起泡海綿本身有個座，簡單放返係洗手間風乾好方便呀!
清潔完就到保養既部分，頭一次用FANCL，BA話最好連續敷6日Mask，打返好個底。
基礎保養就以保濕為主，水份夠，毛孔就會慢慢收返架啦。
水盈乳液 (水潤)
水盈肌底液 - 水潤型，哈哈~我想扮人地小瓶張Poster，可惜手指太短XDDD
用左納米滲透科技，滲透多重修護精華至肌底，為缺水細胞注滿水活營養，打開吸收通道，為之後既保養品更能發揮效果。
從日常護理中煥活補濕機能，從源頭賦活深層補濕力。
用約3-8滴分量的肌底液輕輕塗搽全面，無色無味，搽上面既感覺好輕身，FEEL到肌膚即時水潤柔軟左架。
水盈細緻精華面膜 (19ml x 6片)
打好個底就可以敷MASK啦，BA叫我要連敷6日提升返肌膚自身的保濕能力。
以透明質酸深層補水，配合獨特網狀材質，能緊貼肌理，密集滲透水活補濕營養。
剪裁對我黎講長左少少，大左少少，但就幾貼面，敷既時候涼涼地都幾舒服。
敷完15分鐘即刻FEEL到水份返哂黎。
仲可以增強肌膚保濕力、防禦力添。
剩餘既美容液塗勻全面唔好哂，MASK就敷下手腳啦。
連續敷左6晚，肌膚真係好左架，水分充盈，毛孔都細緻D呀。
祛斑淨白精華露
精華方面就配左美白，因為最近係街站曝曬，黑左唔少，之前D痘印又未清。
FANCL突破性美白成分「三類形態維他命C」，就係針對色素源頭，更快、更高效地逐層淡化各種色素，高效修護各類色斑、暗啞及痘印，統統都KO到!
整體膚色均勻左，痘印有淺色少少咁多多啦，但就冇點白到啦，因為我都仲係Keep住擺街站曝曬T^T
呢枝精華露用剩7-10日用量就會見到個窗口位變左白色，見到就好預時間入定下一枝啦。
水盈乳液 - 水潤
吸收完最緊要鎖返實D好野係肌膚入面，質地好輕，感覺好水潤，搽開左會係肌膚表層形成鎖水薄膜，提升防禦力，持久鎖緊水分和營養，可以係特別乾燥既位重複塗抹架。
我真係好乖咁用足一個月架，三枝都差唔多清空哂啦：）
其實FANCL用既感覺好輕，但用左成個月又唔係特別覺得肌膚有咩大改善，可能呢個月我都出街站Keep住曬，所以影響成效?
不過去返FANCL搵BA幫我一睇，我既靚靚既三角肌紋出現返哂>////<
仲係好整齊好靚個種♥
而一個月前我最關心既毛孔問題，由107粒跌到得返73粒，岩岩好落返細緻!!!
開心死我啦，估唔到Keep住咁曬法，肌膚質素都不跌返升，雖然自身未感受得到(咁我本身都唔係太惡劣既...^^")，但相信繼續用落去好快會Feel得到：）
多謝FANCL俾左呢次初接觸既機會我，你地都俾個機會自己既肌膚，開始「斷用防腐劑，豪用FANCL」啦!!!
|
