認識SASSOU已經好一段日子啦：）
今次就參加左「Will Or X SASSOU Blogger event∼夏日卸妝潔面步驟及化妝示範」
有SASSOU既產品介紹，BA示範正確使用產品既步驟、方法及按摩手勢。
咁當然唔少得Will Or示範用SASSOU最新推出既納米金箔防曬亮肌底霜同美顏化妝掃化返個透薄既光澤感底妝啦。
其實見到呢一枱既SASSOU皇牌金箔系列產品，對眼已經變哂心心啦>////<
成日都話化妝要有個好既底子，清潔當然就係最重要既一步啦。
初黎報到既淨肌香薰素顏油：）
可以徹底卸除面上既化妝品，特別之處係唔洗好似一般落妝油咁乳化，遇水即溶，又可以慳多步啦XD
不得不提既係呢枝除左用黎落妝，仲可以當按摩油用，一物兩用又幾抵喎。
皇牌之中既皇牌，採用99.99足金金箔及蜜糖成份提煉既SASSOU金箔皂。
今次BA就教左我地正確用法，要先整濕個起泡網，之後將金箔皂放入起泡網搓一搓，咁就可以拎走金箔皂，單用起泡網搓出綿綿軟軟既泡沫啦。
個泡要調轉都唔會跌為之合格，可以用黎洗面啦：）
用泡泡洗面係唔洗搓架，輕力「UN」下D泡泡就可以將肌膚既污垢推哂出黎架啦，肌膚零摩擦呀。
除左日常洗面次外，我地每星期都最少要做2-3次深層清潔。
呢款金箔海泥深層清潔面膜真係好正，勁勁勁薄咁敷1分鐘就可以加水洗，有效清理角質層同死皮，仲可以起泡當埋洗面膏用，去旅行都方便帶少樣：）
用完圖右隻手，係咪白滑左唔少呢。
清潔之後，正常係要用爽膚水架嘛，但SASSOU既清潔產品完全唔會乾，直接可以跳到皇牌金箔水漾凝露「天女滴」既步驟。
強效既補水能力係佢既賣點，加埋金箔成份提亮兼抗氧化。
最岩上妝前用，用既時候記待用手心搓兩下Warm Up返D金箔成份先上面，同埋要用按壓手法，千其唔好拍打呀：P
跟住就係我豆豉眼最在意既眼部保養，金箔眼霜。
水潤既啫喱狀，有效提升眼部輪廓、減淡黑眼圈和眼紋。
仲可以厚敷當eye mask用，單用唔太夠又可以當佢眼部精華再加層Cream。
最後搽埋金箔雪肌霜Lock實岩岩既所有產品係肌膚，咁就完成左成個保養程序啦。
仲有埋美白功能添：）
其實美白已經係後話，如果你日常可以做好防曬，黑色素就無機會走出黎啦!
所以SASSOU最新推出的納米金箔防曬亮肌底霜SPF 32 PA +++，照顧返我地日常既防曬需要，配合專用既美顏化妝掃，細緻快速完成出門程序。
利用納米技術將足金金箔溶入底霜中並配合植物精華，全面照顧你防曬、亮澤同滋潤既需要，仲可以Keep到8小時保護。
淡淡既粉紅色亮肌底霜，本身已經改善膚色既功能，仲有提亮效果添。
就算唔用粉底液都見得下人。
對於牙刷型既美顏化妝掃大家應該唔陌生架啦，呢枝價位$200內，毛量豐厚有彈性。
先將亮肌底霜係面上點5點，用美顏化妝掃均勻咁推開。
美顏化妝掃可以造出透薄貼服既效果，推開左亮肌底霜就好似同肌膚溶為一體，而且細緻位好似嘴角、鼻翼都可以用前端既三角位塗抺，仲無粉痕留底添。
少少修飾效果，唔上妝都見得人。
今次有機會認識試哂成枱SASSOU產品，仲可以同化妝師Will Or偷下師，真係獲益良多呀：）
SASSOU旗艦店：
尖沙咀K11商場
銅鑼灣皇室堡
荃灣綠楊坊
Website: www.sassou.com
Facebook Page: https://www.facebook.com/sassoujapan
「產品及有關資料由品牌提供」 |
