My diary
把每日快樂的事情記下來
ChunHei : 個人主頁 - 相簿 - 訂閱  [ QOOZA - 論壇 - 登入 ] 人氣：1214
ChunHei
暱稱： ChunHei
性別： 男
國家： 香港
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•到我返學lu
•返工的第二天
•返工lu
•2007-09-01
•電腦節
文章分類
•全部 (49)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 49
留言總數： 8
今日人氣： 0
累積人氣： 1214
站內搜尋
RSS 訂閱
RSS Feed
2007 年 7 月 26 日  星期四   晴天


出camp 愉快 分類: 未分類

成年無打過日記啦....一年三日既ico camp又完啦...今年同上年好d唔同我自己覺得...一入到去..大家都唔多鍾意講野...食中午飯既時候都係得一兩句野講...食完就去諗組名...大家好似死哂咁...之後諗到個我都唔多鍾意既名'勁射精英隊'....之後到碎冰遊戲...大家開始熟啦...開始玩得埋...之後番到宿舍...個宿舍同上年差好遠...上年好好多...今年最唔好既就係咩都要錢....被又要錢...又無早餐食...太差了...夜晚個夜遊中大係我覺得最ok既一個game...我地果組大比數勝出...肥恒夜晚搬哂d野過黎打地鋪...三個男仔係度傾計傾到3點幾先訓...=.=
第二朝7點幾起左身..去囉早餐...吵親人喎..唔好意思..跟住去聽野訓哂覺.....中午玩個遊戲..簡直曬到死...玩完之後仲濕過沖完涼...下午個game已經眼訓到唔想玩啦....無心機...夜晚個camp fire玩到傻左...好開心...之後番去沖涼...沖完涼去傾聽日既默劇點做...傾完坎人地間房玩...玩左陣就出左去睇星星...果度超舒服....d星星又好靚...希望再有機會再去過....
到左第三日一起身又係去聽野不過今次無咁無聊...但係唔明佢個主題係咩囉...聽完就到左我地表演啦...表演完都唔知做緊咩...哈哈..之後聽d leader講野...我都幾鍾意聽人地講感受...聽完之後就影相交換msn電話呀...完左之後3點幾先去食午餐....食完就幾個人一齊番去...番到去超累....但係無訓過...同人傾msn傾到差不多成點鍾先訓...

今次個camp幾好玩呀...不過太熱啦...不過唔怕啦...今次識左好多人...好開心..希望再有機會啦...
發表時間：2007-02-12 09:52 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 8 月 4 日  星期五   晴天


一年四日既camp終於完了 分類: 未分類

我在8月2-8月4去左一個香港學界電腦組織搞既camp"HKICO"
我係第一次去camp....今次仲要係好難忘tim....
因為呢三日都係掛住三號風球....但係並無影響到我地.......
8月2號我同恒10點鍾就到左大學火車站.等左半個鐘先上得去....無計啦...又要點名又要呢樣個樣...
等到10點半我地終於開始上去啦....上到去先知原來中文大學係好大架...
差不多成個山頭都係佢既....去到我地首先放置好行李先....之後就去左一個室入面聽野啦...
都係講下黎做d咩呀....原來今次黎e個camp既人比我預期想既少...之後分房...我同恒仲有一個唔識既人一間房....
仲一人一件T比我地....係要黎e個camp先有架喎...獨一無二...
我唔明點解女仔可以入男宿而男仔係唔可以入女宿架呢....跟住拎番d野去男宿安頓好...
落到宿舍下面等埋d女仔就分組啦....我地果組叫A.P...我仲比人迫做組爸...咁有得組爸就當然有一個組媽啦....
之後就開始玩第一個遊戲....係將1杯水用口傳到另1個人個杯到.....我地組雖然係最快完成....
但係d水唔夠人多..所以輸左...之後玩多一個遊戲我地就去左食飯啦....
d飯餸都ok既...食完飯個主game黎啦..."解碼24"a...第一個任務就係d組員要解到一d密碼之後黎搵我同組媽....我一開始就比人帶走左.完全唔知做咩....d人又唔肯講...直至我d組員搵到我.....
之後我地果組以最快速度完成....係e個game到羸左....
係搵我既期間係落住好大既雨架...真係辛苦哂....玩完e個game又夠鐘食晚飯...
食完飯番左一陣宿舍休息...之後又進行第二個game lu..我地要入四間房入面搵一d提示估答案.....
我覺得e個game係最好玩....因為我地又羸了��...玩完之後我就去沖涼....沖完我地就叫一大班人入黎玩uno...玩到3點幾先訓....跟住6點又起身....聽見出面d風吹到....連人都就快吹得起....
到左第二日我地食完早餐之後去左一陣電腦房繼續我地既"解碼24"b今次係要係電腦答一d問題同去指定既地方到搵一d野....
期間係不斷落住雨....結果我地係唔夠時間完成....食完中午飯到左最後一個game....瘋狂密令...
d工作人員係到做傻仔 ...找原因,點解佢地會變左傻仔...玩啊...晚上有一個營火會...
組組都要跳一隻自創舞....跳完自創舞就跳果d唔知咩舞....仲要跳一d男仔捉住女仔跳既舞...
仲要係唔止捉一個女仔...跳完舞之後大家都番上去沖涼....沖完涼大家都係房入面玩....
我地間房當然唔例外...之後仲有幾個女仔入黎玩tim.....
本來大家係今晚都唔想訓架...但係有好多人都頂唔住....
包括我...玩琉差不多四點先訓....第二日又一早起身....整理相片.....
之後就去聽一個講座....聽到個個都就快訓著..聽完之後就到左今次活動既尾聲啦....
大家都好唔捨得....不斷在影相留念...但係始終都會完結....
雖然我連佢地個名都唔係好記得...但係e三日真係好開心...最後我地選擇左行落山....
落到去本來想出沙田食...但係諗下諗下揹住咁大袋野....費事啦....
都係番粉嶺食....食完番到屋企超眼訓.....成個下午都係鐘下鐘下的....
發表時間：2006-08-07 10:45 AM  [ 訪客留言(0) ] [ 編輯日誌 ] [ 分享至FACEBOOK ]


2006 年 2 月 15 日  星期三   晴天


無標題 分類: 未分類

今朝番去當值...遲到...我都唔想..今日有位新組員...星哥..中午又送左朵金莎花啦...so beautiful...最尾果兩堂做課業..同作文差不多...放學去電腦室打等....係度聽歌..仲嚇親人喎...無奈..坐到4點幾先過去美術室...都唔係點做野...係到玩既...整到5點幾就走啦...又係搭番琴日部巴士喎...真係準時...
發表時間：2006-02-15 10:48 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 2 月 5 日  星期日   晴天


拜年 分類: 未分類

好耐無打日記lu...今日開始打啦...
今日要出去拜年呀..所以我好早就起左身...點知原來中午先去...唉..阿爸阿媽同阿妹一早就去左zip太歲....得我自己一個係屋企...無野做就電視...佢地成十一點幾先番黎...佢地番到黎放底d野之後就一齊出旺角飲茶....我地飲飲下表姐先記得要去補習..飲完之後就去深水步既親戚到...去到係到睇電影-魔間行者...幾好睇呀個喇叭又夠勁...好似真係係戲院睇咁..正..睇完都6點幾啦...陪表姐佢地落去買d野...上黎等齊人就開飯啦...食盆菜...十幾人食好快就食哂啦...之後坐到十點幾就走啦...因為阿妹聽日要番學..番到屋企都11點lu..好眼訓呀...

是你不想我啦    甚至不找我啦
無非幾天變化   就像刮我幾千巴
發表時間：2006-02-06 10:57 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 25 日  星期三   晴天


馬仔 分類: 未分類

今朝遲左落去...所以得我一個自己番....番到去都打鐘lu...又唔想早會...所以當值...其間係咁比人踩隻腳...好痛呀..!之後唱左十幾次校歌...個校長都傻傻地既...叫人唱自己又唔唱...咁就無左一堂啦...bio個miss又無番....又多左兩堂空堂...上電腦整網頁...仲要用唔知咩黎整...個個都唔識...中午去左m記食...比我見到d唔想見到既野...換左隻馬仔番黎...好得意呀...番到黎去左當值...玩人個locker...嘻嘻...英文堂都唔係上堂既....放學去左圖書館借書...借完就走lu..夜晚睇埋隻b碟...幾好睇呀..不過有好多人死左...睇完就訓lu...
發表時間：2006-01-25 10:14 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 23 日  星期一   晴天


PETER PAN 分類: 未分類

今日好鬼凍呀...朝早有個什麼模範生選舉...竟然係朱明喎...真係估唔到...碘個兩堂數學...凍到都唔想聽書....小息個陣有人比隻fi我喎...仲有隻龍咁威tim...唔係話燒唔到架咩...之後上電腦...好似無上過咁...中午去左仙桃源食...本來無位架...點知叫左外賣先有...咁就梗係轉堂食啦...食完好趕咁番學校...我地幾個差唔多係最遲...跟住坐左成差唔多9個字車..終於到啦...文化中心..peter pan..點知睇到勁想訓覺...又睇到5點幾喎....番到粉嶺成6點啦...即刻趕番屋企...仲要溫化學呀...點知原來好容易...溫完就睇龍咁威2..有d花囉...
發表時間：2006-01-23 10:47 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 22 日  星期日   晴天


大掃除 分類: 未分類

今日10點先起身...食完日餐就開始大掃除啦...我就負責抹window同抹門...其實我都係抹番自己間room個window..抹完超乾淨...之後就開始同阿妹抹門啦..全部門都抹哂..抹完都成點鐘lu...中午食粥...食完好似無食咁..下就又落去燒衣紙..大風到咩咁..又凍喎..好在有d火取暖...夜晚食完飯就睇x-men..都幾好睇呀..今日好累呀..唉聽日又要番學啦..
其實我都知你講既無幾多淨係咩意思...

發表時間：2006-01-22 10:06 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 20 日  星期五   雨天


講成績.. 分類: 未分類

今日起身見到出面落雨...個心情都跌左幾級..今朝同佢一齊行番學既時候...唔知點解心裡面好似有種感覺話我知我地就快完啦...當然我唔希望係事實啦...所以都無再諗啦..番到去當值個陣都成答3啦..跟住我地無脅圖書個d就係下面dun波鐘..等到就快完先上去...頭個堂中文..又係對卷...中文加哂佢一定合格啦...仲有平時分未比..之後個d堂全部都係對卷對卷...lunch當值個一上黎就同佢地嘈啦...我都唔想...之後死handsome個頭又撞左落我個口到喎..超痛.仲流血tim...上電腦堂終於有個好消息啦..全級第三呀..本來想囉第二架...不過失敗左..上bio..個miss又無番..頂佢..夜晚超凍呀..簡直同今朝係兩個世界呀...
發表時間：2006-01-20 08:43 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 18 日  星期三   晴天


開心的一天 分類: 未分類

今日因為要去換碟..所以早左成個鐘出門口...去到換完碟之後就由學校行去火車站...再由火車站行番去學校...勁累囉...跟住陪人等車...之後見到葉子軒...就一齊行入去啦...等左好耐個miss先黎....我地本來係最尾個組架...唔知點解變左最頭囉...中午買左兩個m記上去佢屋企一齊食...食完之後就睇下電視..訓下覺咁..唔知個心係唔係有d問題呢...成日都跳得咁勁...訓到2點就走啦...約左恒打波...打到差不多5點先早....番到屋企睇埋隻鯊海22小時...今晚早d訓lu...
發表時間：2006-01-18 07:25 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 17 日  星期二   晴天


[ 此日誌受密碼保護 ] 分類: 未分類

請輸入瀏覽密碼：  
發表時間：2006-01-17 09:12 PM


考完試啦 分類: 未分類

今日係最後一日考試啦....心情係非常開心....又成11點先返學喎...正...但係返學途中有好多人用一d奇怪既眼神望住我...無奈囉....返到學校見到有架白車係度...都知咩事啦....一定係打人啦....今日考中文綜合能力....其實係聽完一篇野之後用個d內容作篇實用文...都唔係好難姐....寫完都仲有3個字....坐到12點幾先放人...唉考完試成個人輕鬆哂...不過聽日又要返黎sba....好憎呀....
發表時間：2006-01-17 08:49 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 14 日  星期六   晴天


溫書 分類: 未分類

今日8點半起身....搭9點9班車出上水...去到都差唔多十點lu....點知唔識上去...要人落黎帶..真樣衰...上到去數埋都唔夠20個人....跟住開始溫書啦...其實都無咩好溫架啦...不過都望兩眼啦....跟住竟然比我發現祖哥同佢條女喎....嘻嘻..溫到一點就落去街市食野...食日本野...第一次係街市食日本野囉...點知....咸到無人有....乜宜家d豉油好平咩!!!.....食完之後就行左陣cd鋪...有人唔領我情喎...行完之後就番去溫書啦....見到中6d chem已經有d驚啦....溫到4點半就番屋企lu...有人同我一齊行去答車....夜晚有102斑點狗睇呀...幾好睇呀...睇完就訓lu.....
發表時間：2006-01-14 10:05 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 10 日  星期二   陰天


英文 分類: 未分類

今日考英文...Paper1a Reading....唔係好難....但係Paper1b Writing...超難...作完都仲差成一百字....肥硬佬.....到左paper2 list我覺得係比番d分我地囉...好易...得少少聽唔到.....放左學去自修室溫bio....溫到5點就走人lu....希望聽日會識啦....
發表時間：2006-01-10 10:00 PM  [ 訪客留言(2) ] [ 編輯日誌 ] [ 分享至FACEBOOK ]


2006 年 1 月 9 日  星期一   陰天


凍 分類: 未分類

今日起身超凍....行去搭車個陣簡直係陣架....今日考數學...第一份考長題目...死左一半...之後考mc..都好d有8成都識做..我諗應該會合格掛...放學買左個m記番屋企食....一路行就一路陣.....番到屋企d薯條都凍哂lu....食完開左陣電腦....跟住溫英文....溫完等於無溫過....
發表時間：2006-01-09 09:56 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 8 日  星期日   晴天


自修 分類: 未分類

今日9點先起身....9點8就落去自修室啦....今日超多人...我去到都差不多無位lu...跟住開始溫書....溫到1點就去左仙桃園食.....食完行左陣又上去溫過....佢地都溫到7788lu...我都仲差半課...溫到4點就走人lu...跟住去打左陣波...打到5點幾先返屋企....番到屋企又溫多陣...今日真係溫足全日啦...今晚要早d訓先得啦....如果唔係聽朝就唔知醒lu....
發表時間：2006-01-08 09:20 PM  [ 訪客留言(0) ] [ 編輯日誌 ] [ 分享至FACEBOOK ]


« | 1 | 2 | 3 | 4 | »