My diary
把每日快樂的事情記下來
ChunHei : 個人主頁 - 相簿 - 訂閱  [ QOOZA - 論壇 - 登入 ] 人氣：1215
ChunHei
暱稱： ChunHei
性別： 男
國家： 香港
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•到我返學lu
•返工的第二天
•返工lu
•2007-09-01
•電腦節
文章分類
•全部 (49)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 49
留言總數： 8
今日人氣： 1
累積人氣： 1215
站內搜尋
RSS 訂閱
RSS Feed
2006 年 1 月 6 日  星期五   晴天


考試的第一天 分類: 未分類

今朝起身超凍....行到出去簡直係陣架...今日考中文作文同閱讀理解...作文我揀左"記一次患病的經歷和感受"作左差不多600字就作完啦...作完之後睇左幾次就訓覺啦...仲有成半個鐘先收卷...之後到閱讀理解啦...我覺得今年既閱讀理解係咁多年之中最難既...有d唔係好知佢問咩....特別係文言文...放學之後我地幾個去左自修室溫書...溫到差不多5點先走...今日好累...好想訓覺...聽日又要去自修室溫書啦....!
發表時間：2006-01-06 10:09 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 5 日  星期四   晴天


考試前的一天 分類: 未分類

今日朝早好早就醒左了....7點就起身...上數學堂個阿sir又係對工作紙....當溫書....中午去左耶林閣食...d肉醬意粉都幾好食...不過食完就有d肚痛....最後個堂彩排....同a班d人一個課室...佢地好癲囉....唔係好想同佢地一個課室....放學之後又去左補bio...補到差不多4點3先走...番到屋企溫中文...雖然無咩好溫....但係溫左好過無溫...今晚早d訓...聽日就考試啦...
發表時間：2006-01-05 09:22 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 4 日  星期三   晴天


[ 此日誌受密碼保護 ] 分類: 未分類

請輸入瀏覽密碼：  
發表時間：2006-01-04 10:35 PM


2006 年 1 月 3 日  星期二   晴天


最後一日 分類: 未分類

今日係呢個假期既最後一日....全力溫書做功課...起身無幾耐就開始做埋d數學...開頭都唔識做...睇下書就識小小啦...跟住打比恒一齊研究...須便...中午同阿爸落去街市食飯....食完就番屋企繼續溫書....同做功課...幾經辛苦...終於做完啦...不過仲差兩題....夜晚做埋個電腦功課...改少少野得搞掂囉...呵呵...今晚早d訓..如果唔係聽朝唔知醒....
發表時間：2006-01-03 10:11 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 2 日  星期一   晴天


溫書溫書.... 分類: 未分類

今朝9半起身..係放假以黎第二次咁早起身...起身睇左陣電視就開始溫書....中午食白粥..d粥稀到同水無咩分別...食完好似無食過野咁....之後恒同肥仔打黎叫我落自修室溫書...叫我帶埋個籃球一陣打...好啦..落到自修室..人就得好少...不過個個位都有書...無奈...唯有去我樓下個平台溫...又大風...都唔知溫過d咩.溫到三點幾就去打波啦...打到五點幾先走...番到屋企沖涼食飯...餓死我啦.....
發表時間：2006-01-02 11:00 PM  [ 訪客留言(0) ] [ 編輯日誌 ] [ 分享至FACEBOOK ]


2006 年 1 月 1 日  星期日   晴天


新年的第一天 分類: 未分類

今日十點幾先起身....今日係新年的第一天....同平時無咩分別...都係要溫書....唉..溫左成日化學...到左夜晚就聽吒o宅903....同人地玩估邊個囉獎....幾好玩呀...估好多都中....聽完仲要睇電視版...不過電視cut左好多...睇完都唔知幾點囉...唔理啦...睇完先訓覺lu....
發表時間：2006-01-01 11:28 PM  [ 訪客留言(0) ] [ 編輯日誌 ] [ 分享至FACEBOOK ]


除夕 分類: 未分類

今日係2005年既最後一日啦...今年好似過得好快咁....唔知係唔係個人大左d...睇d野又快d呢...今年有好多野都係第一次嘗試...所以可以話今年付出左好多既第一次...唔知點解今年除夕好想搵人陪我過...以前都係自己一個過架啦...所以今年都唔例外...等下年啦..今日有人又話陪我係屋企倒數....點知...唉...跟住傾icq傾到點幾鐘先訓....
發表時間：2006-01-01 12:46 AM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 30 日  星期五   雨天


下雨天 分類: 未分類

今朝10點半起身...起身的時候出面已經落緊微微雨..心諗好在唔係琴日落姐...睇左陣電視...食左個包..食完無幾耐又話食午飯啦....今日我親自下廚...炒飯...唔係幾夠鹹...是但啦...算係咁架啦...食完就開始溫書加做功課....期間又傾左電話又打陣機咁....結果都做左一份功課.....
其實我有時覺得自己好衰....如果可以回到過去..你話幾好呢....
想回到過去 試著讓故事繼續 .. 不過....

發表時間：2005-12-30 10:17 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 29 日  星期四   陰天


燒烤 分類: 未分類

終於到今日啦....今朝8點起身...9點出門口...去到火車站...有人約我9點3等...點知...差不多答半先到....之後去到
太和仲要等埋子軒...我以為我係最遲個個到...點知原來仲有人遲過我喎...之後就成大班人去買野啦....買左好多野..跟住...終於去到啦....都成11點幾lu...個度有好多隻狗..有d人驚到唔夠膽入去喎....之後坐左陣先開始燒.....燒到成點鐘先燒完...之後開抬打麻雀...開頭贏左幾盤架...不過之後就......打到4點幾就收野...抽獎..不過無我份...影埋相就走lu....
夜晚發生左d野搞到我唔知點好咁....
發表時間：2005-12-29 08:13 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 28 日  星期三   雨天


期待 分類: 未分類

今朝10點幾起身...有勇者王睇喎...一路睇到11點幾先食早餐....食完就溫左陣化學....學始識啦...
中午1點幾先食野...得我同阿爸兩個....佢煮麵比我食...佢自己就食飯....食完野之後佢就落左圖書館...
得番我一個..無無聊聊咁...望住出面d雨愈落愈大....之後阿媽同阿妹就番左黎...跟住4點幾有人叫我落去
買野...心諗頭先屋企無人個陣唔叫..宜家番哂黎先叫...最後都係無去 ...好期待明天的來臨呀...希望聽日
唔好落雨就好啦....

夜晚同佢傾左陣電話..知道佢無事都好d....
發表時間：2005-12-28 09:28 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 27 日  星期二   晴天


眼訓 分類: 未分類

今朝11點幾先起身.....都係好眼訓...無計...中午媽媽買左d腸粉比我同阿妹食....點知兩包都辣到死.....
之後就做電腦功課...做到一半...hang機..乜都無哂... 唉..無心機再做...所以就無繼續啦...見到人食雪條
自己又好想食...不過...

點解佢咁耐都無打過比我....會唔會有咩事呢....

發表時間：2005-12-27 09:56 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 26 日  星期一   晴天


King Kong 分類: 未分類

下午2點幾阿東叫我去睇戲...本來都唔想去...但係佢話睇King Kong..所以最後都有去...3點半出發....
去到旺角都4點幾lu...之後諗住去新世紀中心睇....點知場場都爆滿....無奈....唯有走去朗豪坊睇...8點半.滿
得番11點半同1點....無奈地睇11點半...之後為左等開場...我地就去左觀塘apm行左陣...超大..又係吉野家食..
跟住去番朗豪坊...點知出面有show睇...Joey.Kenny等等...睇完都係9點幾...跟住上番去睇四位住係一個大玻璃
箱入的外籍人士跳舞...好搞野...聽講佢地已經住係入面有成10年...比著我一定唔得...跟住終於等到11點3啦....
即刻入場...開頭好悶...差d訓著...之後都幾好睇...坐左3個鐘都算無白廢...睇完都差不多3點囉....之後搭忘命小巴
回家...3點幾就番到lu..真係夠哂快..沖完涼4點訓覺.....
發表時間：2005-12-27 12:36 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 25 日  星期日   晴天


新城頒獎典禮 分類: 未分類

今朝9點幾起身...食完早餐開左陣電腦...icq隱形都比人見到...真係勁...之後溫左陣書...都無心機...
夜晚出街食...叫左好多野食..但係無咩岩食...之後番到屋企聽新城...因為無非...所以唯有聽收音機....
重溫左今年入面好聽既歌....亦都有一點歌勾起左一點回憶.....
發表時間：2005-12-25 09:31 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 24 日  星期六   晴天


放假的第一天 分類: 未分類

今日係放聖誕假的第一天.今朝9點幾先起身...食完早餐就開始溫書啦....今日溫數學先....
做阿sir比d工作紙...一步都無踏出過門口....跟住好開就過左一個下午....食完飯就睇寶貝
智多星...都幾好笑..聽晚又有得睇啦...
點解你今日唔online呢???
發表時間：2005-12-24 08:55 PM  [ 訪客留言(0) ] [ 編輯日誌 ] [ 分享至FACEBOOK ]


2005 年 12 月 23 日  星期五   晴天


Games Day 分類: 未分類

今日7點幾起身....8點就出門口啦......今日同恒踩單車番學....凍到連氣都吸唔到呀....點知去到球場一個人都未黎..
又約8點半...8點9先黎...唉...跟住同d唔識既人鬥波,慘敗收場....跟住打左陣就去搵佢啦....去到佢都未到...等左陣先黎....跟住同佢行到學校門口就番去打波啦...打到10點3先番學校....有人無車答...好樣衰...哈哈..番到去點完名就落去玩啦...今年d野都唔好玩既......放學去左m記食,之後番屋企打左陣機就去踩單車啦....食完飯後就睇埋套哈利波特4..都唔係幾好睇姐...都唔知點解咁多人想睇既!!!
發表時間：2005-12-23 09:32 PM  [ 訪客留言(0) ] [ 編輯日誌 ] [ 分享至FACEBOOK ]


« | 1 | 2 | 3 | 4 | »