早上，７點半起左身，計算一下功課要用幾多時間．．．似乎唔駛好耐，於是決定打機今晚先做。一路玩巨商，都好耐無同肥聰一路傾一路玩，不過聽到佢似乎有ｄ不滿．．．幫佢唔到。

玩到１１點，維修，於是去左溫Ｃｈｅｍ，中四既野做左無數次，而且係我專長既Ｃｈｅｍ，其實唔溫我都唔會肥，不過為左好成績，都係溫下好。

１２點半，食完飯，ＭＳＮ問正去唔去Ｌｏ仔屋企，等左好耐先答我去，於是１點出發。

去到Ｌｏ仔屋企，見到佢同一班毫無實力既隊友玩緊，理所當然既係輸左。然後佢走左去玩生化４。我就去裝隻幻三３黎玩，玩果陣唔知係因為ｄ戰鬥動畫太華麗定係點，連Ｌｏ仔部機都疾疾地，難怪我屋企完全唔掂。玩到咁上下，閃左去玩勁舞，耐無玩既我一開始唔係好得，玩下玩下就返左黎，仲多左個紀錄。

然後去左睇Ｌｏ仔玩生化４，真係有趣，邊會有特務著西裝打曬呔戴曬帽去做任務架．．．仲要打ｄ類似喪屍既生物。睇到主角咁既打扮，我諗女主角會唔會著全晚禮服出現呢？結果令全場爆笑，女主角著住盔甲出現．．．ＯＭＧ，遊戲設計者諗咩架．．

返到屋企，食完飯之後去睇一擲千金，難得一見有人Ｈｏｌｄ住３００萬個箱呢，不過佢都係２４萬就賣左．．．．．．知足常樂嗎，我會記得的。

聽日又要返學啦，好多野搞，先休息一下。
－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－
知足常樂嗎．．．很有道理呢，慾望好多時都係痛苦既根源，知足既人無乜慾望．．．喜樂係必然既。能夠做到知足嗎？．．．唔清楚，而家既我只係要一班好朋友就夠，咁算唔算知足呢．．．？
－－－－－－－－－－－－－－－－－－－－－－－－－－－－