今朝９點幾起身，成間屋得我一個，老媽子帶左姨媽佢地出去飲早茶，玩到咁上下大約１１點就去左同Ｌｏ仔玩信長，玩到１點，ｏｆｆ左去玩陣巨商，之後就返教會。

岩岩好２點３０分返到，唔遲亦唔早。一返到去飲一飲水之後，就開始聚會。一開始當然係例牌既唱歌，今次我都嘗試開口唱，諗唔到居然無事，以前次次唱唔夠兩句就頭痛，今次唱到尾先黎．．．有進步有進步。唱完歌之後少不免就係背團訓，以前硬係背唔入腦，不過自從學校本小冊子有我地既團訓之後（就係２００８年８月旁邊果段）要背出黎簡直當食菜。之後玩遊戲，第一個遊戲係．．．「眾裡尋他／她」．．．有５條題目，我只係答過兩個答案，三人組ｏｒＢＢ。然之後就係大家分享既時間．．．不過我似乎無咩可以同人分享咁，但係有咩事都好樂意講出黎，畢竟呢度既人全部可信程度都十分之高。

返到屋企之後，玩下巨商，之後食飯，食完之後老豆話要同人捉下棋，於是我就讓位俾佢，去沖涼。沖完之後居然仲未捉完，於是我去左參與當中，好唔容易既用左差唔多成個鐘，終於都捉贏對方，老豆俾返部機我，第一時間搵ＢＢ傾下，順便上黎寫野．．．聽日繼續吧。
－－－－－－－－－－－－－－－－－－－－－－－－－－－－
擁有乜野呢？一切既物質我都唔覺得我擁有，因為終有一日物質都會消失．．．如果用擁有呢個詞既話．．．一班知己．．．時間．．．仲有未來我所未知既野．．．命運所安排俾我既一切．．．假如真係擁有一樣野，無論遇到咩事都唔可以放手．．．如果只係短暫時係你手上既話，咁就請你用最平常既心去面對佢既離去吧。
－－－－－－－－－－－－－－－－－－－－－－－－－－－－