今日好慘呀,三號颱風信號,我地仲要番學,不過如果我地唔番,就冇左一次印象深刻ㄉ經歷.........

今日我、小吉同吳慧嫻放學之後,見到好大雨,於是就去校務處借「遮」,借左2把架!!!跟住我地行到去天橋o個邊時,d風就係咁吹過黎,好凍呀!!!當我地行到去天富o個邊ㄉ時候呢...忽然有陣大風不斷咁吹過黎,o個陣我同小吉都攞住把遮,我地兩個同時被d風連人帶遮咁扯到去一個角落,o個兩把遮係o係學校借架,所以一定唔可以唔見,於是就係咁攞住把遮,但d風又太大,d風吹向把遮ㄉ同時,我地又冇關遮,於是我地就跟埋把遮「跑」,我地差一步就成個飛起架喇,好彩...

不過,我地去左o個個角落後,我地就掛住整遮,把遮已經爛得好勁,連d骨架都曲哂。之後吳慧嫻放低份工作紙,雖然有file夾住,但d風實在太勁,成個file都吹起哂,d工作紙飛到周圍都係,我地又失哂儀態咁去執番。

雖然今日發生ㄉ事太戲劇性,不過絕對係真人真事。

我地已經算好彩,冇俾人見到,如果俾人見到,隨時俾佢拍埋video,放埋上網,到時我地真係做左「颱風阿姐」,哈哈,跟住唔使兩日,就已經o係網上流傳,到時我地就同巴士阿叔一樣咁hit,哈哈!!!!!!!!