轉左個新blog,原因係......唔想再唔開心,o個個blog一定會記錄我所有開心既事,一定會!但係個網只會俾一d屬於我既真正朋友,佢地先知我係想得到真正既快樂,佢地知我係最唔受束縛既一個人,我最需要既係自由。我所鍾情既係大自然,係無拘無束,最自然既一個環境。

        原本我唔想講任何關於佢既事,但我真係受夠!我冇辦法再改變到,已經唔能夠再改寫結局,都係佢逼我。有冇人可以話俾我聽,真正既朋友係咩?o係我心目中,當然係為佢好,互相照顧。但係有時候有d事做得過左火,我對佢好,我以為佢只覺得呢d係朋友對朋友既心,我唔想佢有任何誤會。

        自從中一CAMP開始,我地成班fd係知道咩事,如果話唔知,就一定係呃人。但我地同樣清楚,如果有d野講左出黎,係傷到大家既感情,咁我地寧願唔講。不過我地收埋收埋,唔代表可以忍受。請某人清楚一點,當你做好多行為以為可以動搖我地既心,而又令我地覺得嘔心。當初或者抱住平常心態去睇你呢d所謂既熱情行為,但當你做得過火,明知我地有心上人,仍然去挑戰我地既底線既時候,你已經完完全全令我地既火燒得更勁。我唔會講o個個人係邊個,亦希望佢會好好反省,雖然佢唔識。但唔該唔好再做d事係挑戰我地既極限,咁只會令到我唔想再同你做fd,我會想同你絕交。唔該唔好認為,有d事係志在必得,以為講埋d懶係情深既說話,個個都會受,o個個人唔係like你,無論你點對佢講,都係廢囉!同埋,唔該唔好再對我地任何一個「下手」,呢點係人都清楚,你自己做左,但唔代表人地唔知,佢地唔講,係廢事搞到大家尷尬。如果唔想大家絕交,請你對自己既行為收歛下。

         但我估唔到既係,我o個兩個所謂既fd表面上話撐我地,表面上講到幾唔想受佢「折磨」,到最後佢地竟然係最先出賣我,我誓估唔到,佢地竟然走開,推我去佢度。有冇人性架?痴線,我講過好多次,我唔係xx架。佢地明明知我同佢之前發生咩事,我唔明why要出賣我,呢個世上係冇真正既friendship咩?尋日發生o個件事,令我唔3勻2同佢地做朋友喇,佢地算係d咩朋友,會出賣人既,根本係垃圾!!!!!!

        對於我既成績,我唔想多講,自己唔努力在先,明明話要留番B班。而家唔使喇,自己都唔努力,學咩人講努力。根本講緊廢話,MISS話得我地好啱,我地讀書係為咩?係為知識,但個個都只為分數。如果自己冇努力,講分數根本就係廢話。付出幾多,係唔需要計較得到幾多,因為有努力過。但我呢D算得咩?相比起我班FD,根本就係廢人一個,就算平時表現係好過佢地,但係EXAM、測驗唔努力,又可以怨邊個?由中一到而家,成績不斷退步,由全級34名,跌到90名以外。連我都開始覺得我好唔掂,以前既努力唔見哂,差唔多升F.3,自己升唔升到B班,自己心知肚明。

         一個成績差既人,應該要努力架,但我點可以為其他事而分心?事後反省係可以督促到自己,但點解我唔做,竟然o係度怨?我都唔知......我只知我唯一能夠做到既,就係溫書,有咩唔明就去問MISS。不進則退,原來係事實。好想做好,但係...........我唔知個天仲會唔會俾個機會我,由呢刻開始我真係會努力番,我需要B班,我真係會溫書,只要再俾多一次機會我,求下袮!!!!

第一次為成績而喊,第一次決心要努力。我永永遠遠唔會忘記我所流過既眼淚,以後我以成績黎證明一切,我更加要證明俾阿媽睇。我唔想再做D對唔住阿媽既事,唔想再令佢失望,我更加唔想令身邊既人擔心同傷心。阿媽,我應承妳,我會努力,我會做好。我一定會回復以前既成績,請妳相信我!阿媽妳唔好離開人間住,我知妳一直存在o係我地身邊,睇住我地既努力,我要證明俾妳睇,妳以前擔心既細女,終於識得努力,而家攞番妳為我地做而失去既一切。阿媽,妳要等我,等我成功既日子,我好唔捨得妳,而且我更加需要妳既支持..........