| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2007 年 2 月 26 日 星期一  |
| 2007-02-26 |
分類: 未分類 |
有人話過作家搵錢唔多,而寫作生涯更加唔好過。之前我睇過一個報導,有一個6年級既小學生出左一本書,我睇完之後呆哂,佢6年級寫左成10萬字,我o個陣時都只寫到萬幾字,好佩服佢囉,佢仲鬼咁細粒,不過細粒唔係問題......
我記得5年級既時侯開始鍾意左寫作,曾經諗過大個會做作家,但之後知道好難賺錢,同埋....都未必有人幫自己出版,於是放棄喇,唔係放棄寫作而係放棄做作家,做作家.....如果以後有機會闖出一個名堂先再算啦!
而家只鍾情創作,創作好廣泛,包括設計、寫作......而我只鍾意Design同寫作,我都唔知點解,係某年某日忽然發覺自己對呢d有興趣,然後就會累積經驗,兩年黎既寫作,令我既交筆愈黎愈好,同以前既相比,的確好左。而家唔只係寫小說,加上得閒時會寫下歌......開始發覺自己既寫作生涯愈黎愈精彩,六為自己以後既路鋪好左一半,雖然唔知以後會唔會繼續堅持落去,但我只知我呢刻係鍾情於寫作,我呢刻既感覺令我堅持落去就ok!!
|
| 2007 年 2 月 22 日 星期四 |
| 2007-02-22 |
分類: 未分類 |
撐左Twins有成6年,出道開始一直到而家都對佢地不離不棄,見佢地為我地不斷有轉變,不斷進步,連我地都俾佢地感染到。呢幾日睇番佢地出道以黎既所有電影,所有演唱會,所有既Music Video,以及所有既生活片段啦,見到好多唔同既佢地,有開心,有失落,有可愛,有成熟,往往帶俾人既形象唔會係一成不變,但會保持清新囉。
兩個識左咁耐,感情唔係一朝一夕就培養到出黎,6年...有6年既合作,呢幾年佢地都互相扶持,默契都隨住呢6年既歲月慢慢培養到出黎,而家佢地如果唱歌唔記得歌詞,跳舞唔記得個舞步,只要望一望對方既眼就會記得番,呢d咪就係默契囉。佢地呢種既真感情,o係我地呢個年代好難擁有到。如果問你會唔會肯為一個性格同你唔同,意見會不合既人做事,你會唔會甘心?但真正既友誼絕對係經得起考驗,佢地就係例子!!
其實我唔認為我同d fd係有任何既默契或者會為大家做任何犧牲既事........呢種感覺囉,因為大家只係識左兩年,我地都會懷疑大家,未攞到真正既信任。講真,我而家唯一既知己(唔知算唔算......)係一個識左年半既人,大家成日一齊做野,有咩事會講俾對方聽,對方有咩困難唔會見死不救,會盡全力去幫,真係!!!其實問點解會咁,我會答可能因為大家相處得多,見面時間比其他fd更甚。至於呢個係who......?哈哈,就梗係我地最人氣、最愛既........總隊長,Sandy啦!
嘩,拉到個話題遠哂,拉番去先...........咁最後要恭喜Sun Boy'Z同Kenny既事業比以前更好,亦要恭喜Charlene終於名花有主!!!名花有主....大家明啦!!希望10年後仲可以俾我見到兩隊永不言敗,而且人氣保持到而家咁既組合—Twins同Sun Boy'Z!!!!!!!! |
| 2007 年 2 月 19 日 星期一 |
| 2007-02-19 |
分類: 未分類 |
2月19號,每年呢日都係好值得紀念,Boy'Z拆夥周年紀念日,雖然冇人為過佢地紀念呢日,但我偏偏就Set左呢日出黎,去紀念Boy'Z呢個組合。
記得03年2月出道時,憑住一首「LA LA世界」而成名。05年2月,又憑住一首「手足」同大家講再見。而同年2月20號,全新既「Boy'z」又再出現(大家請留意,個z變左) — Steven同Dennis,但講真佢地o個時唱得一首歌,拜金小姐。跳舞ok既,但當時真係唔受歡迎。到06年7月12日,Boy'z正式改名為「Sun Boy'Z」,再闖樂壇。而樂壇當然又再次歡迎佢地啦,而且而家人氣仲非常高!
Boy'Z拆夥之後,其實發展真係好左,Kenny比以前更受歡迎,而Sun Boy'Z就狂出碟,d碟好賣既情度真係.....好勁!!以前既Boy'Z冇左,呢個已經係事實。而家全新既Sun Boy'Z已經唔使再做Twins既影子,已經係同佢地並排,受歡迎既程度差唔多可以超越Twins,雖然仲有一大段既距離,但明顯改變左。
其實啱Boy'Z啱拆夥係接受唔到,差唔多每日都喊。(好恐怖~)但而家大左,諗法真係唔同哂!但傳統依舊會維持,每年既2月19都會聽佢地既歌,Post有關佢地既文章,講番佢地既事,回顧番佢地既轉變,以及Post佢地既相上MSN。所做既一切,唔只因為我念舊,而且係希望我會記得佢地,以佢地黎做目標,以佢地黎激勵自己!!
任何人唔同既人生階段裏面都會有兩條唔同既路俾我地揀,大家要夠決斷先可以揀到一條真正適合自己既路。所以,希望大家...真係可以真真正正揀到一條適合自己既路!! |
« | 4 | 5 | 6 | 7 | 8 | 9 | 10 | 11 | 12 | 13 | ... | 30 | »
|
