終於都Exam完,可以放鬆喇。今次係勁擔心成績囉,因為盡左力溫書、盡左力去考,而Miss亦盡左力改卷俾分,當然希望成績會達到理想既目標。

既然付出左,有盡過力,結果係點已經唔重要,最Important既係過程!!我好Enjoy成個Exam囉,因為今次係特別為自己,為Friend、為Miss而努力,而家Exam完唔知Why會有一種好唔捨得既感覺,哈哈,係第一次因為Exam完而唔捨得,唔...係個好既開始!!你冇聽過咩?好既開始,係成功既一半嘛!!!雖然成果同所付出未必成正比,但仍然Never Give Up.而家已經唔會再好似以前咁,對自己既成績太求其,而家呢刻係好緊張、好着重自己既成績囉,經一事長一智嘛!!!!

將來既路儘管有幾難行,我亦會撐落去!!我相信All On Nothing囉。希望大家可以o係我既中學生涯裡面繼續Support我,因為冇你地同埋Miss既支持,自己未必會撐到而家。嘻嘻,不過當然自己都有努力過,係真囉!

上個禮拜就開始準備既短講,今日終於可以面世喇。每日都練到好熟好熟先肯收手。準備時間好充足,d同學都話我太早準備,其實又唔係架喎,我情願早準備,好過佢地今日先「臨急抱佛腳」呀,而且我係勁like中文囉,所以一有關中文既野出現,一定會好早之前準備(除左EXAM)。

其實今日都仲有d唔太滿意,講短講......講到一半先記得要望MISS,不過有望好過冇望。我成日覺得自己講短講,好似發表偉論咁,講D野拉到好遠,例如講哂自己既觀點同睇法出黎,不過...短講唔係應該咁架咩?我只知道每次講既時候,好搞笑囉,我一直講,MISS係咁望住我,講完之後,佢仲係咁笑,但我都勁o係度笑囉,跟住全部同學又o係度笑,哈哈,因為o個陣既環境好好笑,大家都由緊張變到好relax囉。

其實我好like短講架,覺得好好玩囉,雖然會緊張,但好似遇到今日咁既情況,就咩都唔記得哂架喇。經過今日之後,就明白一個道理,其實講短講keep住relax既心情去考,如果緊張既話就發揮唔到水準。嘻嘻,今日本來都好緊張,但開始短講既時候,已經有少少進入忘我狀態,完全忘記哂緊張既心情。所以整體黎講,唔應該有唔滿意,應該俾多d信心自己,因為我已經盡左力,不求盡善盡美,但求無愧我心。聽天由命啦!!!

尋晚睇完勁歌頒獎禮之後,覺得好感動。感動既唔只因為Twins拎左三個獎,而且係因為Joey拎獎時喊,同埋佢講既一番說話。佢話:Sorry,令你地咁擔心我,以後我會做好。

Twins拎左華語歌曲銀獎、金曲獎同組合金獎,真係好替佢地開心。華語獎其實冇諗過佢地會攞,04年出國語碟,聽左之後覺得佢地既國語好差,當時佢地既唱功都唔掂,所以冇得攞華語獎都係應該。到左06年佢地出左八十塊環遊世界,成績好驕人,唱功同國語唔同哂,個導師Train得佢地好掂,所以華語獎應該入到圍。不過入到圍,但冇諗過入到三甲。佢地拎到銀獎,所以好happy,當然好希望佢地下年會攞到金獎。其實今年攞到銀,已經算好,因為金係Hurt So Bad,始終軒仔唱功好過佢地,國語又好過佢地,首歌亦好聽過佢地,所以相悿之下,敗於軒仔係唔出奇既。至於金曲獎,好震驚,以為佢地冇得拎,但好想佢地拎,所以最後當知道有你不是好情人,唔只Twins驚訝,連我都好驚訝,因為佢地本身有四首歌係入圍既,但你不是好情人呢首係最有望,最有機會攞獎。

最後組合金獎,應該係實至名歸,今年佢地着重o係台灣、內地,冇咩理香港,但出左隻Ho Hoo Tan,為左呢隻碟,佢地好俾心機好做,專程去到塞班島取景。而Charlene仲將一首作左成三年既歌放入去,成隻碟既心血唔只在於幾個月,而係在於三年。所以,佢地攞組合金獎係實至名歸。

下年會係點冇人知,但做到既係繼續努力。Twins,你地都要繼續努力,你地從來唔會抱住坐定粒六既心態,亦知頒獎禮既賽果唔係必定。所以,你地決定以後做Old Twins,我地亦永遠跟住你地,永遠做你地既Old Fans。o係黎緊既演唱會,要努力做好,到時我一定會到場撐你地。