最近為一件事而煩惱,我之前話過想退會,但因為應承左鄒sir,一直拖到而家,o係尋日忽然又諗起呢個問題。

由入會時,一直都唔認真,之後先學識咩叫認真。到做左隊長前,就明白左責任。學識咁多野,可以話係多得一個人,冇佢,我諗我應該冇今日。------------總隊長,Sandy。

最近有D野好似做得過左火,而件事令佢仲好唔happy,問過佢,佢否認左。因為人地對佢既睇法有少少差,我將人地既睇法加諸到我既想法入面,於是前日勁唔妥佢。之後佢叫我叫command,除左因為某d人,仲因為我不滿佢叫得細聲(其實我之後諗番都覺得冇咩野,佢唔算細聲)佢同我講,佢叫到把聲沙哂,叫我去叫command,我信佢應該唔會叫我去送死,明知某d人會不滿,而且知道佢真係好信任我,知我經驗唔夠,就交咁個重任俾我做。或者以上既野係我諗出黎,諗得太深入、太複雜。

大家comm都經歷過好多事,RC曾經和平,但點解唔可以再變到以後咁和平?大家都係為RC做事,而唔係為左爭權,以我地而家既狀態,要做到有團結精神既團隊係好難,但未試過又點知唔可能?一直想保持以前既和平,但或者冇可能,唔通真係要Sandy走,你地先肯收手?

睇我眼中,而家既comm,永遠都係最適合做comm既一批。而你總隊長,永遠都係最適合做呢個位既人。好多謝各位comm架,佢地真係好努力,好認真,見佢地個個反哂面,真係唔忍心,咁多年既友誼,就咁就冇哂!!!

希望大家可以認真咁諗下!!諗下有咩方法可以回復以前既和平。

今日終於都派哂所有測驗卷,如我所料,都係5字頭.

全部人已經入左我既圈套...今次測驗完全冇溫過書,然後派成績表既時候,個個睇到我既成績,就覺得原來我係咁..........差。當佢地對我再冇驚覺性既時候,下次exam就係我既最佳機會,到時再發功,相信有唔少人..............

哈哈,以上既野,全部都係我亂作..............

對於今次既成績真係極唔滿意,測驗前一日先溫,得兩科唔pass已經算好,雖然大部份都只係50幾,但   o個50幾分就係代表我上堂時既專心程度,至於其他分係要靠自己既努力爭取番黎,而事實證明,今次...冇盡力!!!

第一次咁差,覺得對唔住Miss Sham,以前佢一直睇住我地,我地唔敢偷懶,到學期最後一個exam,我成績差左,Miss亦開始發覺,同我傾過.到而家,我仲唔溫書,太對唔住佢,真係好想Miss再一次番黎睇住我地!!!

下次........真係可以再努力???學期最後一次成績差,可能因為Miss,而今次.........係因為「佢」???

今日終於都派左geog喇,未派前真係唔敢睇個分數......

睇左後,原來有成70分,我geog一向都好差,有冇溫書都係50幾分,而家有70,真係真係勁happy!!!!!!!!!!!

好既開始係成功既一半,雖然今次三主科都衰埋,但仲有雜科去撐,希望成績唔會差得去邊....

平時慣左十幾名,突然間冇名次,真係接受唔到,我份人做事一向都接近成功,可能未試過完全失敗,不過真係一個好開始,

就俾我嘗試下失敗既滋味,再汲取更多既教訓,我先會更加努力!!!!!!

要學識點去輸,先識點去嬴;而且最輸得起既,最後先會嬴!!!!!!

所以由呢刻開始,重新努力。不求盡善盡美,但求無愧我心!

而大家都要努力,加油加油Fighting!!!!!!!!!!!!!