今日見到四社,忽然諗起我地上年啦啦隊既時候.

一年真係過得好快,而家只好回憶啦!!

藍社一直嬴,今年又會唔會有機會???

Zoe畫既畫再見唔到喇,F.7.....見多佢半年左右,就要同佢say bye...

Zoe畫畫真係好靚,好欣賞佢,

我地每次唔開心,佢都會哄番我地,

佢真係一個好學姐,好朋友。

Zoe,希望你高考既成績會好好啦!!!!!!!

我真係愈黎愈鍾意神起!!!!

佢地好型呀!!

而家晚晚都聽佢地既歌,好好聽!

佢地唱歌又咁勁,跳舞又咁掂,好欣賞佢地..........

當初上佢地個官網,睇到佢地既簡介,真係俾佢地既精神感動到!!!!!

之後,總隊長又係咁俾個forum我,我就上去啦,估唔到有咁多野........

呢刻個心真係好亂好亂,下星期日就考DI喇,我而家好似仲未有一個DI要有既形象,我實在好驚,唔係驚去考試,而係驚真係fail左,RC唔知會點。我地團已經冇DI喇,加上而家又咁亂,所以我一定要考到架!!!

不過其實到呢刻我都仲未溫書,我好質疑我咩事,逃避...定係仲有其他原因。仲有一個禮拜咋,如果呢一個禮拜都唔溫,就一定會fail,但每當我一望到關於DI既野,我就會走左去。

唉,連珮菁呀,唔可以再keep住呢種態度,究竟發生咩事呀?再咁落去真係唔掂架,重新振作啦!!!!!!

今日終於都上DT喇,勁happy,雖然兩堂都係聽阿SIR講埋D無聊野,不過最痛苦既時刻都過去左,下堂就開始好玩喇!!!不過好無奈,因為全班得三個女仔上DT,其他都上哂家政喇,搞到好「瘀」囉!!

我開始睇到Sun Boy'Z慢慢慢慢咁恢復人氣,Boy'Z既時代可以講係過去,但精神仲留o係Sun Boy'Z度,以後我地走到CD舖見到一大張poster,裡面既主角唔會係Boy'Z,而係Sun Boy'Z,連我呢個忠實Fans都買唔到佢地既poster,由此可見,佢地既人氣係幾好。由Boy'Z初初出道到變Boy'z,到而家既Sun Boy'Z,改變真係好大。Boy'Z以前要靠Kenny人氣先可以高,到Boy'Z拆夥,Steven做大,Dennis入黎,人氣一直下降,之後,William入黎,組成Sun Boy'Z,我一直睇住William出道到入Sun Boy'Z,已經有5年喇,終於我果然冇睇錯人,William令Sun Boy'Z起死回生,當然Steven既功勞都唔少,佢真係好辛苦。其實當Boy'Z要拆夥既時候,我以為William會先入Boy'z,但之後好失望囉,整個Dennis入黎。不過最緊要係Sun Boy'Z呢刻保持人氣高。

2月19日,Kenny、Steven,你地要記得,呢日係你地既大日子,已經一年喇,05年2月19日你地正式拆夥,今年既2月19日已經唔同喇!!你地記唔記得一年前你地講過咩?一年後,好希望整番個復合演唱會,雖然冇做到,但o係我地心目中,已經做到喇。呢刻你地既願望應該係每一年既2月19日,你地都會有唔同既面貌、形象去見大家,每年都會有更好既改變。

祝你地前程似錦!!