張SIR,好多謝你呢一個月黎咁辛苦去教我地,我地班令到你咁煩,真係好對唔住!!

我地班係好嘈,但同時都可以好認真,之前作文既時侯你都見過,雖然有D人係抄野,但我敢保證,我地班當時係認真既。其實你黎左之後,我地班有D人的確改變左少少,就好似我同黃寶儀兩個仲有另外幾個咁,你俾左一個月時間我地去明白咩叫上堂。而家真係清楚左咩叫上堂,上堂係要認真聽書,唔同其他人傾計。係咪?

張SIR,你走左之後,我地班係好唔捨得。一年後,雖然唔知你會唔會番黎,但我相信到時我地班絕對會歡迎你。一年後,我地班會少左d人或多左d人,但1B班今年既精神仍會存在,1B班今年既精神隨時會支持你。雖然好希望你會番黎,不過你番唔番黎係你既選擇,總言之,我代表我班講一句,我地隨時歡迎你番黎。

張SIR,再見喇!!

Elaine,你今日講既野好啱,你所有既野已經講哂俾總隊長聽,但佢又唔信你,再咁落去都冇辦法,同佢再講都冇用。如果我係你,我即時既決定都係同你一樣 — 退會,基本上,再留o係Red Cross都冇用,d人根本唔信你。我覺得咁對你太唔公平。

不過,無論如何,我地做 fd既一定會撐你。你最後既決定係點都好,都應該冇錯既。冇得同你一齊宣誓,覺得好可惜,以後仲少左一個同伴,唉!

到宣誓o個日,鄒Sir發現我地d新member之中少左你,你覺得佢點?都唔知點同佢講。

Elaine,你要記住,件事未去到最後一刻,都唔可以放棄,Never Give Up!!你一放棄,你之前所堅持既野就會冇哂。要有信心,我地一定會撐你。

到呢一刻,做fd既都幫唔到你d咩,真係好對唔住!!!連小小既一個公道都幫唔到你攞番,唉!

總隊長,今晚講左句野令你咁激動,真係好對唔住!!!

其實我晚講o個d野真係唔係咁既意思,今晚因為某d原因先會講埋d咁既野,但我係從來冇不滿過你。(講真架!!)

總言之,要同你講一句:對唔住,總隊長!!