| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2006 年 7 月 2 日 星期日  |
| 2006-07-02 |
分類: 未分類 |
今日我地終於都宣誓喇!!今日雖然好緊張但又好興奮,哈哈,陳SIR同鄒SIR都有黎呀!!
不過,鄒SIR着到好後生,差D唔認得佢,哈哈!!至於陳SIR,好似同平時差唔多,不過我覺得佢點都係咁既樣。
陳麗好好人呀!!佢同我講如果我頭痛就可以同佢講,佢有藥喎。雖然最後都唔使用到,不過要多謝佢,哈哈,good fd!!
今日可以講係歷史性既一刻,「黃」上台讀謝詞既時候,佢講既我都好認同,哈哈,因為我有份作架!!總之,裏面既的確係我地班既Member想講既野囉!!特別係多謝COMM o個段,係好認真咁諗出黎同作出黎,而且o個段真係我地Member想同COMM講既野黎架!!講真一句,如果冇一班COMM就冇我地囉,佢地付出既實在太多,好多謝你地!!
為表誠意,我打埋D名出黎 : Sandy、Seven姐姐、阿嬋、「簡」—佢?唔使啦!!、陳麗、王善盈、何少賢,我諗都差唔多喇!!
以上有名既COMM,我o係度同你地講句,多謝你地!!
|
| 2006 年 6 月 30 日 星期五 |
| 2006-06-30 |
分類: 未分類 |
今日個頭好痛呀,其實尋晚都好痛架喇!痛到我凌晨時分起左身,於是我就探埋熱睇下有冇發燒,點知三十七.六度呀,少少燒啦!唉,真係好辛苦,我諗應該係之前去Ocean Park既時候俾雨淋病左。
不過,好彩今日我冇發燒。於是我就番學校啦!今日係跳繩同樂日,我就忍住頭痛咁去跳啦,雖然最後冇暈低,但個頭係愈黎愈痛囉!!
D人唔識跳繩,我識跳既,冇可能睇住佢地死,而唔去救佢地囉!我唔係D見死不救既人。講明先,我出去跳繩只係因為我真係當你地係fd想幫你地,而唔係因為想攞功勞,就算我要攞都一定係要全班一齊去攞,如果唔係就冇意義。你地如果係咁認為我,我無話可說,加上你地有冇睇過MISS個樣呀?佢塊面黑到好似鑊仔咁呀,因為我地班攞第尾咋。我出去幫你地雖然唔會令到B班唔包尾,但我可以講句,我出去起碼令到你地既進度快D,睇到最後一隊咁慢,我真係唔忍心唔幫你地,但我唔諗住出去,因為個頭真係好痛,所以唯有睇住你地跳埋落去。
之後唱歌,我係估唔到MISS真係唱得咁好聽,MISS,我完全欣賞你呀!!MISS,其實我要好多謝你今日對我地成班講既野,話咁快就一年喇,實在好唔捨得。好希望下年你可以繼續教我地,你係一個負責任既好老師,好多謝你呀,MISS SHAM!!你永遠都會係我最尊敬既MISS。 |
| 2006 年 6 月 29 日 星期四 |
| 2006-06-29 |
分類: 未分類 |
今日有件事好想同大家分享。
尋日我地F.1級同F.2級去Ocean Park,真係好難忘。尋日係一個大日子,雖然落大雨,但我實在好想有好多個尋日。就係因為落雨加行雷既影響,先會令我地被困O係纜車超過五分鐘。
我地一入到Ocean Park,阿SIR就話纜車停左,但可以坐巴士。但過左一陣就有段廣播話纜車行番,於是我地就衝去搭纜車。o個陣時,「洪」就攬住條柱話好驚—佢畏高。點知,被我講講下,就見到有一道雷擘中條電纜,之後纜車就忽然停左。咁我地就勁o係度叫,加上出面好大雨,我地原本開左WINDOW,但因為落雨,SO就「山」左佢,但都仍有雨走入黎。其實o個陣都幾恐怖,我地o係部纜車裡面,外面就係咁落雨,d雷聲又好響,因為落大雨既關係,我地o個陣係咩都睇唔到,於是最後搵MISS求救,但打俾佢又幫唔到我地d咩。唉!不過最後當然係平安無事啦!!
其實都好戲劇性,我地點都諗唔到我地有咁難忘既一幕,雖然好危險,但真係好刺激!!
好希望有好多個尋日,因為我覺得能夠同一班good fd,以及同學去同甘共苦,的確好幸福!!正所謂「有福同享,有難同當」能夠得到一大班好同學、好朋友,其實係一件好幸福既事。 |
« | 21 | 22 | 23 | 24 | 25 | 26 | 27 | 28 | 29 | 30 | »
|
