今日同Exam距離1日,我唔想唔使付出就有成果。

我覺得而家先努力都唔算遲,而家係F.1尾,距離會考仲有一段時間,呢段時間就要努力喇!So我打算F.2、F.3、F.4呢三個階段真係要聽書,唔努力係唔會有成果。認真咁講一句,所有人都想讀大學,當自己努力既同時,人地都努力緊,如果自己既Target係好低,可以即刻走,但而家唔係喎,眼前所睇到既係每個人都開始努力緊,因為佢地全部人都想讀大學,佢地既Target係好高。所以目前要做既事係努力讀書,讀好書後想做咩都可以做,想幾時玩就幾時玩,但最重要係而家要用幾年時間努力,向自己既Target出發,我相信呢個條件並唔難做到。

o係呢段時間一定要同自己講:就係因為人地比自己強,所以就要付出多十倍既努力。

呢句野的確講得好啱,呢個社會就係要有競爭先有進步,所以真係希望大家要諗下自己既將來,好好努力!!!

禮拜三就EXAM喇,雖然比F.3遲成一個星期(都幾羨慕佢地)但我反而要用最後呢一個禮拜黎溫書。真係要全心全意咁去溫,F.1學年裡面最後一個EXAM,一定要盡力,如果唔係真係對唔住D阿SIR同MISS。

而家淨番三日左右,本人努力溫書中。為左今次既EXAM,我閉埋關,哈哈。不過都幾慘,落雨同行雷既時候,我間房一關門,雷聲都幾應。估唔到我一直諗住溫書既時候關左道門就唔會俾人騷擾,點知最後係俾雷聲騷擾到,但無損我溫書既心情。

今次考試,我要比任何人更努力,因為我好想入十名內,上次差三名咋(氣憤中...)不過今次真係要努力,MISS SHAM,我唔會令你失望架!!啊,仲有,阿媽,我都唔會令你失望架!!

所有EXAM中既朋友(F.3)加上o係禮拜三既朋友,你地都要加油!!

ELAINE,蚊芝,周詩詩,一舊雲,洪詠,唔得閒,黃惠兒,阿寶,阿蚊,陳麗,梁翠婷,阿嬋(如果打少左,咁SORRY,但我無諗住打番)—所有既FD,加油!!

總之,今次考試,真係要盡力而為。

各位,我由今日問始又要閉關溫書喇!So未來呢三星期都唔會上黎。

因各人都要考試既關係,學業重要,請大家諒解。

考試在即,大家要努力溫書!!一齊加油!!!