仲未整好個網呀,太多野做,又或者太煩。

Xanga已經整好,睇黎呢個一定要再花d時間去整。今日一早起身,就去做功課,因為唔想拖,就算係o個對狗男女都好,總之就唔想拖。或者想將所有恩情儘早還番俾佢地。話哂佢地都教過我,冇可能做到咁衰。

總言之,而家就算上佢地堂都要聽書,並唔係因為佢地,如果因為佢地而去唔聽書,太唔值得,我聽書係因為我只想成績好,同佢地完全無關。

今日我終於出現,失蹤左一輪,閉關反思左一輪,究竟我係想點。

一直以黎,我都唔知我想點,讀書又好想攞高分,考入一至十名,但自己又唔努力;每一件事都想做得好,但又唔認真。而家閉關反思左次後,突然諗通左。今朝一起身,就即刻去做好功課,之後就有時間玩,但我又唔想玩,因為太無聊。玩,到底係為左咩?

我相信,而家的確有好多時間玩,但之後就連玩既時間都冇埋。