今日終於都打番日記,我呢幾日o係屋企寫埋《So Sweet》,哈哈,終於都完成左喇!!真係好happy,我之前寫小說都係兩個幾月,不過全部都係好短,今次總算係長篇小說。

好喇!我都要介紹下今次既小說先。

咁呢,內容大概係...........有機會先講。

咁如果睇唔到個劇本既fd,可以上網睇架!!咁呢,就係呢個網喇............遲d先俾la!!

有d野我實在好想同Miss Sham講:

Miss Sham,你係我地班主任黎架,或者你可以咩都唔理,但我地全部同學都係你ㄉ學生,你做得班主任呢個位,就唔可以唔理我地。今日所有班別ㄉ班主任都出哂黎陪自己ㄉ學生唱歌,到我地唱時,你有冇陪我地呀?你只係企o係旁邊睇我地咋,你仲一d都唔撐我地,你記唔記得你尋日講過d咩呀?如果我地唱得唔好,就等我地o係台上出醜,我地出醜唔關你事,你只o係台下睇我地點衰。唔係我記仇,而係你向自己ㄉ學生講d咁ㄉ說話,有感情ㄉ人都會記得。有個FD同我講如果你出黎可能會令我地高d分,但我唔覺得囉。其實你出黎撐我地,已經對我地班有好大ㄉ支持,但你冇做到,我實在好想你會出黎,出黎撐我地呀。你話過今次係我地ㄉ最後一次班會活動,我地要好好做好去,做Miss既就更加應該要撐我地,但你真係冇呀。Miss Sham,我向你重覆一次,你係我地ㄉ班主任,你當初做我地ㄉ班主任,就知道要負起做班主住ㄉ責任,唔可以唔理我地。講真一句,我地以後唔知再點面對你喇!!我地係應該繼續當冇發生過任何事,定係我地要學你咁呀?唔當你係我地ㄉ班主任。最後,我唔明你why從來冇支持過我地,到我地輸左,你自己就黑面,我覺得你對我地好唔公平喎,你不滿ㄉ話就唔好o係我地面前不滿,係你ㄉ問題,你就推哂d責任去我地身上,我想問,咁係唔係算對我地公平呀?你病ㄉ時候,我地有擔心你,每次你有事ㄉ時候,我地有緊張過,我地一直都當你係班主任,呢刻我唔知你當我地係咩。o係黎緊ㄉ生日,我地會送禮物俾你,我希望可以見到你收禮物時對我地ㄉ感謝係真ㄉ,我地好想你可以開心ㄉ笑,而家已經好難再見到你開心ㄉ笑。另外,我希望你知道我地有盡過做學生ㄉ責任。

今日有社際常識問答比賽,我地藍社輸得好慘呀!!睇見藍社一分一分咁追上去,又睇見藍社一分一分咁失去,藍社本來係一個好勁ㄉ社,哈哈,可以咁講啦,但就係搵錯人上去。嘻嘻,Elaine,你幫我地藍社拎左十分,好叻女呀!!平時藍社、紅社同綠社三社就有得鬥o者,黃社??ByeBye啦!!但今日竟然會嬴喎,真係好佩服,咁耐以黎「第一次」拎冠軍,哈哈,恭喜哂喎!!我地藍社好人,輸「一次」俾你地慢慢鬥,但下年一定會拎番個冠軍黎,有機會ㄉ話。

比賽後,我地就有班際音樂比賽,我地1B唱 Find Your Love,又係咁囉,好細聲呀,下面d人話淨係聽到ok兩個字,其他就聽唔到,因為我地唱ok兩個字係要大聲咁「哎」出黎。今日2D班講起Miss Wan既事,有人喊左出黎,我地都忍唔住喊喇。Miss Wan,你而家過得好唔好?真心ㄉ講一句,好希望你會開心。話咁快,你離開我地已經有三個月喇。你班學生好難得先平伏到心情,估唔到佢地會講番起件事,令佢地再一次ㄉ傷心,不過,佢地始終都要面對事實,已經唔可以再逃避架喇!!佢地今日ㄉ眼淚早就應該盡情咁流出黎,佢地今日比平日更真。