今日之後就放假喇,放假之後就EXAM喇,要溫書~

今日聖誕歌唱比賽,我地班好多人參加,但冇一個入圍,係可惜架,不過算啦!!之後搵阿Sir、Miss上去抽獎喎,咪諗住叫Miss Lau、Miss Lai、同Miss Wong囉,但Miss Lau唔肯上,而Miss Wong又唔知走左去邊,得番Miss Lai,我地嗌Miss個名嗌得勁大聲,但冇人聽到......請唔到佢上去喇~

今日我地同Miss Lau一齊唱歌、食野,勁happy,我諗Miss都好happy,而且佢講過上年d學生又唔整野食,今年我地好多人整野食,Miss又幫我地切野食,大家都覺得好幸福呀,成大班人一齊,而Miss又咁錫我地!!!!!好想永遠都係Miss Lau做我地班主任。

今日做左一件好白痴既事,陪家姐去街,然後我地食雪糕,嘩,大凍天時食雪糕,好變態呀!!!我地行去新北江,見到有間雪糕店,然後佢又想試下o個d雪糕,咪食囉,結果........

「阿C」...好耐冇見過佢,一個月左右,唔知佢有冇上黎睇下我個blog,但我每日都有上佢個blog度睇,大家最近都好忙,連傾電話既時間都冇(其實係自己唔想傾o者)。差唔多到年尾,係佢最忙既時候,冇辦法啦,佢係.....佢做得呢個位,而且又係F.5,唔只佢預左,我都預左。

失望.....失望到極呀!!講明自己唔可以再download歌,但呢排又勁down呀,之前support開正版,而家又再一次走上歪路...冇辦法,正版真係好貴,但裡面又包含作曲人、作詞人、同歌手既心血....好矛盾,啊...最好既辦法應該係咩都唔好做,唔download,唔買碟就最好喇,係囉,support個偶像,唔一定要買碟架喎。都係keep番d錢黎買手機仲好啦,銀行雖然有錢,可以買到手機,但裡面既錢係我既心血,而且係阿爸、阿媽辛苦後而得既成果,D錢要用黎讀書用架,既然錢係急用既...無謂用d錢黎滿足我既需求啦,而家既目標係儲錢,儲到三萬蚊啦,好期待呀!!!!