講番尋日既陸運會先,諗起尋日,係呢年最開心既一日,可以同到班comm一齊做First Aid,真係學到好多!講番我既100米同200米先,我番到運動場先聽到原來200米我都入左決賽,跟住好happy又好緊張喎。不過可惜最後都係跑唔到頭三名,但Seven姐都話啦,最緊要盡左力,咁又係....盡左力咪得囉!

First Aid — 最搞笑既係跑班際接力o個part,因為我同Seven姐見到有人跌,然後就已經馬上衝過去,但衝到過去之後先發現冇拎敷料,咩都冇拎,然後我同佢又跑番去我地個檔口攞番d敷料,棉花囉,Seven姐佢拎左一塊敷料,原本我想拎多塊,但佢話唔使,跟住跑去傷者度,我地先發現原來佢唔只一個傷口,但我地得一塊敷料,結果又要我跑番去拎多塊。(激死~)最多我同Seven姐前前後後跑左成400米。(佢300咋!)

不過最火既都係o個part喎,我地見有人跌倒,我地係即刻衝過去,但班新member唔問使唔使過去,而係企o係原地睇人跌倒,然後仲講句:「嘩,有人跌倒呀,我地唔使過去啦!」(係Seven姐聽到~)呢d member唔罰唔得呀,見死不救,似咩紅十字會呀?

尋日最高潮既部份就係我地四個既閉幕禮步操喇,我地步操初初都好齊架,咁但係之後企左成半個鐘,咁我地就好攰,最後完既時候,我地操番去,但o個陣時我地已經撐唔住, 最後操既時候全部人都冇哂力,但都繼續撐住,唔可以失禮人架!!!哈哈,所以我真係好欣賞我地既團隊精神,無論任何情況都會撐落去!!!

今日係陸運會既大日子,我地等左呢日好耐,唔只係因為有得跑,而且係因為我地幾個步操......講起步操,我地四個都練左好耐,結果係點都唔再重要,因為我地有努力過,有心!!雖然今日聽人講話我地唔齊,齊係重要,但四個唔同既人,根本冇可能同時間做到完全相同既事,我好滿意我地既表現,唔理人地點講。而且今次係第一次同佢地拍檔,亦係最後一次,真係好開心.....(其實o係佢地身上學到好多,今次亦唔例外~)

之後,我去跑一百米同二百米,先講一百米啦,一百米好僥倖入到決賽,但講真...真係冇出盡全力,因為出唔到!而二百米呢,好唔掂呀...因為頭一百米仲ok,但之後隻腳完全冇力,唔知發生咩事,然後繼續跑埋落去,最後跑到第五囉,之後到左終點既時候係勁想成個灘落地下,點知想跌落地下之際,班comm就衝過黎,扶住我。(嘩,效率真係高!!!)跑完之後係勁暈,從來未試過跑完之後咁暈架,而且隻腳又軟哂,跟住o係RC個檔口度訓左一陣,醒番既時候陸運會既賽事都已經完哂。但訓完之後,都仲有少少暈同腳軟囉。唉,聽日都唔知點跑。(我被死人羅子達踩到隻腳,到而家仲痛緊~此仇不報非君子!!)

今日知道自己100米入到決賽之後呢,有勁多人走埋黎講:「連珮菁,入到決賽喎,好勁呀!」哈哈,聽到之後有D飄飄然,但聽日絕對唔可以輕敵架!!!雖然同My FD一齊跑,但事先已經講好左,會一決高下。另一方面呢,陳麗差d入到,好替佢唔抵,俾條紅社腸粉壓住。所以,聽日絕對唔只係我一個人跑,唔只得我一個為自己努力、為自己打氣,有RC班comm,最世界最信就係佢地,見佢地今日為我打氣,叫得好辛苦,聽日我係為佢地而跑,亦為自己而努力,仲有...陳麗,大家一齊加油!!!

世上有一種愛, 無從選擇但自然擁有—友情。友情要自己尋覓, 可能碰到一臉都係灰, 亦可能永不放棄。但唯獨友情, 係毫無條件咁對一個無血緣無關係既人付出, 尤其當你傷心時, 想依靠住邊個既肩膀放聲大喊一場, o個個人就係你最真摯既朋友。

由陌生至有默契到二人同心, 對兩個性格迥異既人黎講, 呢條路走得絕對唔容易。雖然冇好似夫婦一樣宣誓今後同另一半永遠相愛, 共同度過每一個憂患與共既日子, 不過依然承諾將來「共患難與共富貴」, 唔理係「合久必婚」定係「合久必分」都好, 但都會珍惜呢段患難與共最好既時光。