中文科作既一篇文,關於一個人,我知佢實黎睇,所以我要打上黎。

      唔知由幾時開始我最信任既人竟然係我而家心目中唯一既知己—紅十字會總隊長。如果話...我曾經不滿過既人係佢,最信任既人都係佢,咁講似乎有d諷刺。佢係一個影響得我好深遠既人,o係任何事方面佢都會協助我。佢做好自己之外,亦務求人地都要做好。我做到隊長,其實佢幫左我好多。我希望我得到一切係因為佢,而失去一切都係因為佢。

     一生難得一知己,因為少所以難得,因為難得所以滿足。無論o係何時何地,最想感謝既人始終係佢。即使以後變成點都好,o係我心目中做得最好既總隊長,只有佢一個。

         想問member唔尊重同冒犯隊長係咪大罪?答案係。咁就話說尋日幫班人步操既時候,教佢地Blank File,我地示範過一次,然後到佢地。點知,有人爆左一句﹕「嘩,d member操得仲齊過隊長,不如我地做隊長算啦!」佢地講完之後,係有d唔開心,唔只我,連5+2都係,自問我地教佢地已經好攰,唔齊好正常。但d連pass唔pass都唔知既member講埋d咁既野就係冒犯隊長,講咁多野,做好自己先啦,唔該!

         原本我已經唔記得呢件事,但今日Sandy問番尋日發生咩事,我就記得。而家5+2都話唔做喇,搞到咁,我地見到班member咁既狀態,我都唔想做。算囉,放棄囉,正如Sandy講個個member都係咁,個個都話走,咁不如解散。o係呢個時候解散都好d,如果再遲d,可能俾班野搞到唔知似咩。

          今日第一次鬧班新member......鬧得好勁。佢地太唔認真,成日o係度玩,都考試仲咁懶散!!我終於明白當初總隊長鬧我係因為.......從來冇嬲佢,反而要多謝佢。但無論如何,我覺得自己冇鬧錯,我講既都係事實,最激都係﹕「你認為你地咁既狀態考唔考到試?」
          其實真係冇咩野,唔明why今日會咁火,可能發生左o個件事,太煩喇!!唉,今日雖然「火」,但o係度要同番一個人講sorry,就算佢呢幾日冇on,但每日都會講一句,直到佢上黎睇為止。問起咩事,我都唔知點講好,但總之今日講左句唔應該講既野,搞到佢覺得我鬧佢。之前佢鬧過我,但我好肯定講句,我唔係因為咁而咁對佢,我唔會恩將仇報!而家......仲諗緊辦法補救。