今日又同5+2嘈,差d大打出手。我鬧羸左,但我輸左個勢。我最後擲左句﹕喂,你咁講咩意思呀?不過佢冇show我,走左。事原今日班member要步操,AB隊都要,MISS話佢地就算PASS,但操得都未夠好。於是今日搵左陳建基上黎,佢夠惡,操得ok,但係..............個個都認為佢好老......似F.7喎。哈哈,點知原來佢只係F.4,聽到之後笑死,見佢一身既打扮勁似阿伯,哈哈!!!!!!

         我地呢排都比較燥,因為o係步操考試o個日大受打擊,第一次考完知道唔pass,真係有想喊既衝動,但我唔可以o係班member面前表露出黎,連隊長都冇信心,佢地既信心只會更加低落。於是臨考第二次前,我抄到好輕鬆,鼓勵佢地﹕加油呀,大家要有士氣呀!!句野講左好多次,佢地有聽幾多次我唔知,我只知道考試o個陣某d人真係好認真。到今時今日既步操練習,我都係好想鬧佢,而今日又得逞。不過終歸究底,或者我地真係做得未夠好,所以我地會盡多十倍既努力train好佢地,我要佢地一次過pass,我要佢地全部都企o係宣誓典禮台上,令我地可以見證到最成功既一刻。冇錯,令到佢地宣誓成功,就係我地既成功。所

今日我見到班member個個都好唔開心,忽然間覺得好對佢地唔住,以後真係唔知點面對佢地。腦入面又產生起退團呢個問題......今日已經勁唔happy,仲要俾總隊長同5+2鬧,當我問5+2可唔可以退團既時候,佢竟然同我講你報左DI喎!跟住我咪話DI可以唔pass架。佢就話你退團都係因為d人o者。(係又點?係咪為人根本唔重要,但佢唔好覺得我係因為佢地d所謂既隊長而走就得,我從來只會為member而走,member需要我就留,唔需要就走)

        星期六既夜晚總係特別無聊,然而又係最relax既一日。對我黎講,最近呢幾個禮拜六日都可以話係可有可無,因為我既休息時間全部都奉獻俾RC,而家我既黑眼圈又大左.........因為步操考試同本人既測驗在即,我d時間分配得好亂,生活變得好緊張,冇一刻可以放鬆!

        我要溫書喇,我不斷問人點溫EPA,我發覺每次我好留心聽書,我有記住書入面既內容,但係小測都FAIL哂,好嚴重既一個問題。不過,個個竟然同我講﹕死背呀,死背,死背得架喇!

       鬼唔知書係要背咩?我就係想知有冇其他方法可以溫到,因為我知死背書係記唔到入腦,係會弄巧反拙架!