| 尋日終於派成績表,之前擔心左成晚,最後出黎既結果比心見中好得多,對於今次....進步左成廿幾三十名,所以拎左張進步獎狀,雖然成績仍然未番番去50名內,但有信心只要再努力,想要既就會番黎。我永遠都會記得我曾經俾Maths打敗過,但由下學期既開始已經喚醒我,我上堂要再留心,曾經輸過既,要嬴番黎,補習Maths已經成為我既一大目標。亦知道中文同英文雖然高分,但仍唔可以輕敵數學,因為數學係強敵,只有打敗佢,先可以攞番我失去既成績,考場如戰場就係咁既道理。
我本來就係一個獨立既人,我從來唔會依賴邊個,但呢刻真係好想有班FD同我一齊並肩作戰,好想大家無分彼此,互相鼓勵,唔會再同佢地計教誰高誰低,我地每次測驗、考試前都鬥成績,但其實好無謂,成績根本係顯示自己付出幾多,每個人都唔同,在乎勤力定懶散。呢刻我唔想離開B班,以前係,以後係,一直都係。因為實在唔敢想像一個人走既路。
|
