今日去左鄧肇堅醫院果到囉番d衫褲同工具,咁去到咁岩係師傅食飯時間,咁我就汁埋d野走啦。咁一來一回就12點40分,今日約左凱琪要陪佢去睇醫生,咁就等到1點幾去接埋佢,咁就陪左佢去廣華醫院睇,點知d籌派哂,咁就去左黃大仙柏立基醫院睇下啦,買到籌就去左我屋企訓陣先再去食野,咁去睇時醫生就轉介去威爾斯親王醫院睇急症,oh...咁就同凱琪去左我屋企繼續訓陣啦。咁今日我要番夜校架,訓到6點幾就去沖涼食飯,同凱琪一齊出門,最先送左佢搭車睇急症,我就火速去番學-.-遲左半粒鐘都唔當我遲到xxdd。放左學就同阿輝(IVE)去食飯,之後就吹下水同去左佢舊時果間m記到探舊同事-0-咁就係果到吹水吹到12點半先搭車走。唉...總是心事重重,不過係凱琪面前都係無乜野...唔想太多人又因我d野影響到。
其實我都覺得佢因bbq而整到隻眼,我個心好過意唔去同埋心痛。唉...好似累左人咁,我企係佢隔離咩都幫唔到佢減輕d痛苦,如果有咩事都唔知點算,最後得知角膜傷左,我都安心D,好驚有嚴重事。但我屋企d事總係好難解決...我的心一直無安寧到,仲係好徬徨,我的能力可能做唔到,但我點都要撐落去,因為我仲有好多人支持我^___^希望凱琪早日康復-[]-願主祝福佢。
我聽日10點半要去見工啦,跟住就去火炭囉錢,再去買d禮物送俾凱琪-0-可惜聽日都唔會見到佢lu,佢要陪一個剛失戀的人(男)。
祝大家情人節快樂~~有情人既就甜甜蜜蜜,無情人既就好快搵番個。大家開開心心就得啦~~