咁3點幾就同阿邦阿潮行左陣九龍城,佢係想買隻碟(百分百感覺),咁去到佢地話無=.=我地都行左陣睇下野啦。行行下~陳國雄個秘書打黎,話後日見工=.=間野係基業,我聽到就覺得有柱光出現啦-0-咁好快行完番屋企啦。

番到黎,見到阿強on左,原來佢後日都係見工~又係基業=.=希望佢會請哂兩個人啦><我好累阿=.=

仆街~~一朝早就爆左粗=.=真係仆街....

今朝一早就抽筋=.=真係黑仔...但係我又感受到d血充番落隻腳到...果種feel好正...咁我就起身等親戚黎啦,琴晚去左佢屋企食飯食到好飽,keke痴餐。咁我就打左去陳國雄問啦~挑...佢而家先幫我搵=.=等電話咪即係無囉。咁我又打左俾阿水師傅(文迪介紹)咁佢就話過兩三日先啦~~有工開先叫我-0-咁我都唔會抱太大期望既,話哂都係散工><

唉....人生必有撼
       來日方知長
       人快知多少
       往樂何處尋
 向直下睇去-0-

岩岩打緊日記架><無拿拿手多del左=,=好沮喪...

今朝10點,親戚就叫我起身,問我點解咁少衫洗,咁我就無理佢啦,繼續訓,咁我就玩電腦啦,玩到3點幾,阿杏打黎話想去旺角,咁我就要佢等我半粒鐘,咁我沖完涼就見到佢地係我門口=,=原來係因天雨關係,唔去啦。咁過多陣佢叫我去佢果面食飯,咁就走左。

今日撞鬼阿...嚇到我半死,詳情要問我先肯講啦~~

6點幾~就同阿葉,阿英去左鑽石山到行陣~順路睇下銀包,咁去到都無咩岩心水~咁就走去黃大仙食飯,食食下~文定師傅打黎...我終於都等到佢打黎啦,佢話老闆唔請人啦=.=我個心情即場down哂,唉...咁聽講佢一番解釋,我都無咩事啦~咁陳國雄果面仲未有消息...文定師傅話佢個fd等人用,問我做唔做...但係250$日要去到屯門果面,我覺得唔快手一定俾人插同嘈~咁我都決定左去啦=,=星期一就打去問啦。文定都算好人啦~咁肯幫我搵工~比在出面=.=采鬼你都傻o.ov第一次出黎做野緊係架啦~~

今朝一早起身~點解利昌果面未打黎架...請唔請都講聲啦o.ov我都預左唔請架啦,咁就打左俾陳國雄,原來佢地話左請左人...唉,好黑仔=0=我叫佢幫我搵過第二份啦~希望會好d啦^^咁我就見到阿敏問長問短=,=問我點解唔去佢果面食飯=,=我其實知佢地無乜錢又唔想食窮佢地=,=實際上我都唔想去人屋企食飯-,-就算自己無錢食飯都唔會去人地屋企食飯><最多咪唔食囉^^咁1日食一餐10$都唔算差阿=,=我叫家姐囉左100先頂到10日-,-琴晚同可豪傾左好多野=.=真係唔可以得個等字~此終d野都係我既事~我要著緊少少啦....我已經受過一次教訓,我唔再可以再咁懶啦,野係自己既~無人幫到你做。

琴晚落雨=.=個地下又滑...整到我拖鞋斷左=.=仲整到隻腳傷左/..\好痛阿,咁我都好累既....