經過左60個鐘頭處理左3個人既問題之後..
發現自己好對唔住1個人...
今日朝早,已經買好左飛同2小姐,阿Hing,阮汶睇《哈5》
可能因為琴晚傾電話傾到太"早"(7am),
本身約左2小姐9am左右出尼食個早餐先既..
都起唔到身...
直到11點45分阿Hing打尼...
我先識醒!!
1醒,即刻收線打比2小姐..
因為知道2小姐冇打尼,即係佢都未起身!!
打佢手提唔通..即刻不理後果..打屋企!!!
嗌醒左佢之後,兩個拿拿林整野出門口..
嗌左佢搭77,我就搭輕鐵行去小巴站等佢=]
係我上輕鐵既時侯,同2小姐講
我發現自己遲到遲得幾好..=D
又真係咁橋..
果日買完飛..夜晚同阿Hing買完宵夜,
講笑咁講「拎住4張戲飛覺得好自豪=]」
跟住就比左2張阿Hing比佢感受下我既感覺∼
點知比得咁橋..我同2小姐兩個都訓過龍
去到Ginza,仲同2小姐走去7-11買野食先入院=]
臨入去之前,2小姐已經講明,1入去會好黑..驚=]
入去Check飛既時侯,2小姐突然間話
『哎呀!!唔記得帶你果張學生證喔!!』
唔緊要啦..傻瓜，
入到去之前,因為黑既關係，
2小姐佢捉住我之餘，仲挨左過尼，
到岩岩幫我地辦補錢手續果位小姐上尼既時侯，
佢好猶豫應唔應該打擾我地咁..
到佢出聲嗌我地既時侯，原來係唔清楚我岩岩比左幾多錢佢=D
然後再好唔好意思咁走左..
佢1走,我地又變會原狀..
佢返尼找錢既時侯,當然係再1次唔知點算好=]
係全場戲入面,講真..
我既焦點都在於..妳
2小姐..
妳不斷同我講「做咩望住我姐,睇電視啦!」
真係好得意,妳呢個Action..
睇完之後，同2小姐1致認為..劇情太多..
比起之前幾集,今集悶左D..
之後去食野，去左Red Forst，
步入既次序係2小姐行頭，然後係我→阮汶→阿Hing
當2小姐坐低左之後，我正諗住轉身坐低既時侯..
阮汶突然之間好快咁係我同張枱中間攝過去好快咁坐低左...
係呢個時侯,3個人都對佢既行動露出1個唔同既眼神..
距離最近既2小姐..眼見住我已經準備坐低，
但係完全估唔到突然間坐左係度既會係阮汶既佢..
加上佢地既姊妹情義,冇叫佢起身既餘地..
令到佢只可以露出1副又驚奇又無奈的眼神
望見個位既已經有自己既影子坐左係度既我..
突然之間發生左D咁既事..
第1刻既反應只驚奇..
比佢說話都係「你咁都得呀?」
然後唯有坐係對面..
狠狠咁送佢1句「我佩服你快過我,不過！我欣賞你快過我!!」
對於個位比佢霸左,兼且破壞左我地美好計劃既阮汶..
我只可以對佢露出1個好想用目光射死佢既眼神..=.="
對於阿Hing，雖然我係睇唔到..因為佢係我後面，
但係據估計..應該係1個無奈到極點既眼神..
『點解會咁既!?』
食完野之後就各散,兩個返工既返工，
剩返我同2小姐兩個周圍行,去左搭77..
突然間2小姐話好想搵阿5出尼..
於是就嗌左阿5,1齊落尼元朗..
1行..就行到夜晚..
2小姐約左雷生出尼食飯..
過程慳返..
之後去左鐘聲睇人打波,然後送左2小姐返去..
自己返到屋企之後，1路同2小姐傾電話..
講返呢幾日尼係開心背後,隱藏既悲傷
最近幾日發生太多事喇..
1直忙住處理小魚,阿Ple同衍生出尼田雞既事..
真係冇幾多時間全心對住2小姐..
心入面真係好歉疚..
而且..仲真係比2小姐講中左，
琴晚明明係我應承佢媽媽好好照顧佢..
最後真係要由2小姐尼照顧我...
多謝妳喔..2小姐
傾傾下..2小姐突然問我
「先生..你係咪有D野要同我講呢??」
我心當然知佢所講既係D咩..
於是,我卒之鼓起勇氣..將1切1切埋藏係心入面既感受，
講返晒出尼..
講到最後希望佢可以比1個答案我既時侯，
佢話要諗下..
呢1點,我覺得係岩既..
況且,我都希望佢會係認真考慮過之後，
比1個佢自己肯定既答案我..
雖然係呢1刻佢同我講
「如果要係你兩個之間作選擇,我1定會揀你啦..」
「自從上次之後,今次同你玩返埋1齊,覺得你又變左好多..
如果係以前,你1定唔會咁樣拎出尼傾..」
比我1個小程度既鼓舞..
但係..我真係冇辦法掩飾如果佢拒絕既打擊力..
我企係窗口靜靜咁企入等待期..
我既手..腳...全部都係度震緊...
1路講落去..
佢1直都唔比我停..
要我不斷咁講野..
1直講1直講...
去到朝早7點嗎..??
我自己都唔清楚了..
佢終於開始喊到累晒..
逐漸唔清楚我講緊咩..
只係傻傻咁「哦..」
我就勸左佢去訓教.自己都去訓了...
明天...
還要為著未來而努力..
要上班呢..
|
