今日1訓訓到成3點先起身∼
因為琴晚整Qooza整到5點幾，
加上有2日冇好好訓過教，
所以好累...1訓就好好訓

訓到2點幾老豆打返尼問我落唔落去食野，
我1口就答佢「唔落！」
唔知點解，因為上次既事...
我好似有少少抗拒老豆..

訓到3點幾鐘老豆坐左係廳講電話，
講到好似鬧交咁鬼大聲，嘈醒左我，
於是就起身∼

起身其實好肚餓..(老實講.5點鐘訓果陣都肚餓架喇..不過廢事搵野食)
但係屋企又乜都冇..食麵食得多又厭厭地，
所以最後乜都冇食到，Hea到6點幾，
過左去人地屋企食飯…

好耐冇去過佢度喇…
上到去，阿Bee同敏姐姐都係度
好耐冇見過敏姐姐…
阿Bee反而間唔中都有見下，
今日見到敏姐姐，第1個反應係

因為成個敏姐姐扒左係張sofa度..
好似死左咁= ="...
佢又好似有同我打招呼..又好似冇..
佢訓緊教好似..

真係唔係講笑..
敏姐姐好似比好耐之前肥左d..
但係...
都仲係咁索咁靚
好難得...
有個咁既質素既女仔係面前...
著住條跑褲..
無遮無掩咁係度訓教...
搞到我都有D唔好意思..

突然間"叮噹"...
開門…
細細個！！！

好耐冇見，自從以前都阿珊分開左...
就冇見過細細個...

食飯∼
敏姐姐起左身，
成個殘樣
阿Bee同Bobo兩個淨係係咁姪我..
1個係度『死仔做咩唔帶埋女朋友上尼?』
Bobo就係咁問『喂喂..上次你都未介紹..你女朋友叫咩名?』
搞到成餐飯我就成為左話題..
細細個..都串埋我1份∼
係得似乎病病地既敏姐姐冇機會出聲∼
占哥都唔放過我...
佢地1路係度問..
其實我好想投降話
『冇呀∼散左喇∼！！』架...
不過，我知度呢1刻唔係時侯，廢事打擾大家既雅興啦...

食飽飽，阿Bee走入房係度打電腦...
敏姐姐坐係sofa發吽豆∼
細細個就係廳又係打電腦.係度玩勁舞
果然係細半輩喔...又係勁舞份子...

我反而比阿Bee玩既野吸引住XDD
淨係聽到果d.."bang bang"、"boooooomn"既槍聲同爆炸聲已經知好激烈！
1行入去，佢熄鬼晒d燈..feeling仲好∼
勁好玩，我都玩到好爽=3="

玩到11點，拉晒大隊落去食糖水，
阿Bee見我玩得咁爽，又燒左1隻果隻game比我∼
嘿嘿...有排玩嚕

返到屋企，
開返電腦mon...
見到2小姐嗌過我...
個心變到好猶豫..
我自己...
明明好想佢搵我...
但係..見到佢嗌我返到屋企覆返佢..
我又唔知點解...好似唔係好想覆...
個感覺好難受...個心係想搵佢..又唔想搵佢咁..

轉個頭...
阿ple就殺到@o@∼
同佢1路傾..傾到而家...2到幾喇..